Швэдскаму праваабаронцу адмовілі ў беларускай візе

Личности

Старшыня швэдскай праваабарончай арганізацыі Östgruppen Марцін Угла не атрымаў беларускай візы.

Праваабаронца разам з сям’ёй збіраўся ў чэрвені ехаць ва Украіну на чэмпіянат Еўропы по футболе. На зваротным шляху яны планавалі вяртацца праз Беларусь. Але Амбасада Республікі Беларусь у Стакгольме вырашыла адмовіць Марціну Угла нават у транзытнай візе.

“Відавочна, мяне хочуць пакараць за тое, што я часта крытыкую беларускія ўлады за парушэнні правоў чалавека. Але трошкі смешна, што мне не дазваляюць разам з дзецьмі нават ездзіць праз Беларусь. З аднаго боку, вядома, шкада, што мяне не пускаюць у Беларусь, але я не збіраюся маўчаць пра стан правоў чалавека ў Беларусі з прычыны гэтай адмовы. Наадварот, буду працягваць сваю працу яшчэ больш упарта ў падтрымку сваім сябрам і калегам у Беларусі”, - цытуе праваабаронцу “Радыё Свабода”.

Як раней паведамляла Служба інфармацыі “ЕўраБеларусі”, два тыдні таму стала вядома, што беларускія ўлады адмовіліся выдаць уезную візу вядомаму канадскаму палітолагу і даследчыку Беларусі Дэйвіду Марплзу.