Севярынца аштрафавалі на 1050 рублёў за “трыкалор” (ФОТА)

Суддзя Фрунзенскага суда Мінска Ярохіна М.В. аштрафавала сустаршыню Беларускай Хрысціянскай Дэмакратыі Паўла Севярынца за тое, што ён на пікеце ў падтрымку Эдуарда Пальчыса 19 кастрычніка "выкрикивал "Жыве Беларусь" и держал триколор бело-красно-белого цвета". Штраф максімальны - 50 базавых (1050 дэнамінаваных рублёў), паведамляе прэс-служба БХД.

bchd.info
- Суддзя Ярохіна, відаць, "университетов не кончала", - пракаментаваў прысуд Севярынец, - і не ведае, што трыкалорам называецца менавіта трохкаляровы сцяг, напрыклад, расійскі. Сама пастанова суда - узор расійскага канцылярызму: "Лицо, в отношении которого ведётся процесс, в суд не явился", "...что выразилось в совместном присутствии граждан по вышеуказанному адресу", і да таго падобныя перлы. Словам, судзяць нас невукі і беззаконнікі, але хай памятаюць біблейскае: "Якім судом вы судзіце, такім і вас судзіць будуць".