Кіраўнік польскага МЗС сустрэнецца з Лукашэнкам

Пакуль пацверджання гэтай сустрэчы з беларускага боку няма. Пра гэта польскі міністр паведаміў у эфіры польскага радыё "Jedynka" ў праграме “Сігналы дня”.

Дакладна вядома, што Вашчыкоўскі сустрэнецца са сваім беларускім калегам Уладзімірам Макеем. Паводле польскага міністра, гэта будзе азнаямляльны візіт пасля некалькіх гадоў халодных дачыненняў на высокім узроўні.

"У аўторак і сераду наступнага тыдня буду з візітам у Мінску, пасля – у Ваўкавыску і Гародні. Я лічу, што мы як суседзі павінны ўтрымліваць стусункі. Варта паглядзець, што адбываецца, што мы маем: паляпшэнне ці пагаршэнне сітуацыі", - сказаў Вашчыкоўскі.

У сераду польскі міністр пакіне Мінск і накіруецца ў Гародню. Афіцыйны візіт скончыцца сентыментальнай нотай. Перад тым, як вярнуцца ў Польшчу, Вашчыкоўскі хоча затрымацца на некалькі гадзін у Ваўкавыску, дзе нарадзілася яго маці і да вайны жыла яго сям’я, павдамляе "Радыё Рацыя".