Бязсмертны: на мяжы Беларусі і Расіі можа пачацца канфлікт

На думку ўкраінскагадыпламата, крамлёўскаму кіраўніцтву трэба справакаваць як мага больш канфліктаў, каб мець магчымасць сесці за адзін стол з амерыканскім і еўрапейскімі лідарамі і такім чынам заявіць пра Расію як удзельніка геапалітычнага працэсу. Прытым і сірыйская вайна, і вайна ва Украіне, паводле Рамана Бязсмертнага — не апошнія месцы канфліктаў, якія можа арганізаваць Пуцін. Украінскі дыпламат заявіў літаральна наступнае: «Мяне больш за ўсё хвалюе, што па хуткім часе можа распачацца канфлікт на мяжы Беларусі і Расіі». «Сітуацыя там складаная», — піша "Радыё Рацыя".

З 2010 па 2011 год Раман Бязсмертны быў Надзвычайным і Паўнамоцным паслом Украіны ў Беларусі. Падчас гэтай дыпламатычнай місіі Бязсмертны неаднаразова выказваў салідарнасць з беларускімі дэмакратычнымі сіламі.