Улады Мінску забаранілі роварны прабег, прысвечаны 25-годдзю незалежнасці Беларусі

27 ліпеня ініцыятыўная група Таццяны Караткевіч запланавала збор подпісаў каля стэлы «Мінск - горад-герой», адкуль планавалася рушыць на роварах да помніка Янку Купалу. Такім чынам меркавалася адзначыць 25-годздзе з дня прыняцця Дэкларацыі аб дзяржаўным суверэнітэце, паведамляе сайт "Праваабаронцы за свабодныя выбары".

Мінскія ўлады адмовілі ініцыятыўнай групе ў дазволе на правядзенне роварнага прабегу, спаслаўшыся на тое, што сябры ініцыятыўнай групы маюць права толькі праводзіць пікеты.

Юрыст Уладзімір Лабковіч пракаментаваў такі падыход уладаў да плану ініцыятыўнай групы Таццяны Караткевіч:

«Улады сапраўды могуць не дазволіць велапрабег, таму што гэта масавае мерапрыемства ў грамадзкім месцы, а падчас збору подпісаў на гарадзкіх вуліцах дазволена толькі пікетаванне. Але ж, калі прымяняць закон па ўсіх існуючых канонах, то нават святкаванне дня нараджэння ў кавярні можа быць расцэнена як масавае мерапрыемства».