Грамадзянская супольнасць на мяжы распаду (Відэа і фота)

О нас в медиа

Фармальная актуальнасць сустрэчы - падрыхтоўка да Саміта Усходняга партнёрства, што мусіць адбыцца ў Рызе 21-22 траўня.

Аднак больш важным сталася фактычнае прызнанне падчас мерапрыемства крытычнага стану як самой праграмы "Усходняе партнёрства", а таксама стану грамадзянскай супольнасці як пасярэдніка ў рэалізацыі гэтай праграмы ў Беларусі.

Па-першае, як адзначылі ўдзельнікі круглага стала, сама праграма "Усходняе партнёрства" ў сувязі з бягучай геапалітычнай сітуацыяй зайшла ў крытычную фазу. Пры гэтым Беларусь на афіцыйным узроўні, не захацела і не змагла скарыстацца тымі магчымасцямі рэформ, якія прапаноўвала гэтая праграма.

Па-другое, фактычна Беларуская нацыянальная платформа, па словах удзельнікаў, знаходзіцца ў фазе стагнацыі і ў "замарожанасці", згубіўшы сваю першапачатковую дынаміку і патэнцыял інавацый. Часткова пра гэта сведчыць і колькасць удзельнікаў мерапрыемства.

Так, на крыглым стале прысутнічалі 10-15 арганізацый, у той час як у склад Нацыянальнай платформы ўваходзіць больш за 60 арганізацый.

Прычыны крызісу, на думку актыўных удзельнікаў, звязаныя з дзвума фактарамі:

1. з адсутнасцю прызнання грамадзянскай супольнасці ў якасці партнёра з боку беларускай дзяржавы;
2. з нізкім узроўні кансалідацыі ўнутры самой грамадзянскай супольнасці (з адсутнасцю кропкі прыцягнення праеўрапейскіх сіл).

У сувязі са склаўшымся становішчам былі агучаныя прапановы аб «роспуску Нацыянальнай платформы» (Уладзімір Мацкевіч), фармальным "замарожваннні" яе дзейнасці (Андрэй Ягораў), пераключэнне прыярытэтаў на дзейнасць у іншых сферах (сацыяльнай, культурнай і г.д.).

З больш разгорнутай аргументацыяй Уладзіміра Мацкевіча адносна прычын крызісу ў Нацыянальнай платформе і неабходнасцю роспуска БНП можна пазнаёміцца па спасылцы.

Разам з тым, шэраг удзельнікаў выказаліся за спробу ажыўлення дзейнасці Нацыянальнай платформы і фармуляванне далейшай стратэгіі яе развіцця.

Як адзначыў Андрэй Ягораў, сустаршыня Форума грамадзянскай супольнасці, нацыянальны каардынатар Форума па Беларусі і старшыня Беларускай нацыянальнай платформы, канчатковае рашэнне аб лёсе БНП будзе прынятае на канферэнцыі Нацплатформы ў чэрвені 2015 года.

Каментар Улада Вялічкі:

Каментар Андрэя Ягорава:

Андрэй Ягораў агучвае магчымыя прапановы Беларускай нацплатформы да Рыжскага саміта Усходняга партнёртва

Таццяна Зялко, старшыня арганізацыі "Наша пакаленне"

Уладзімір Мацкевіч, старшыня Рады Міжнароднага кансорцыума "ЕўраБеларусь"

Сяргей Мацкевіч (Асамблея НДА Беларусі), Улад Вялічка (Міжнародны кансорцыум "ЕўраБеларусь"), Андрэй Ягораў (нацыянальны каардынатар Форума па Беларусі, Цэнтр еўрапейскай трансфрмацыі)

belmediaschool.org