Макей патрабуе запрасіць Лукашэнку на саміт Усходняга партнёрства без "дыскрымінацыі"

Личности

Беларуская дэлегацыя возьме ўдзел у саміце Усходняга партнёрства ў Рызе толькі на раўнапраўнай аснове. Пра гэта 8 лютага ў эфіры тэлеканала АНТ заявіў міністр замежных спраў Беларусі Уладзімір Макей.

Макей падкрэсліў, што ў Беларусі разлічваюць, што дэлегацыя краіны будзе прымаць удзел у саміце.

"Але пры гэтым мы адназначна кажам нашым еўрапейскім партнёрам, што мы павінны быць запрошаныя на раўнапраўнай аснове, мы павінны ўдзельнічаць на раўнапраўнай аснове, каб у адносінах да Беларусі не было ніякай дыскрымінацыі", - сказаў міністр.

Рашэнне пра тое, хто ўзначаліць дэлегацыю, будзе прынята пазней, адзначыў Макей.

Міністр дадаў, што Беларусь працягне свой удзел у праграме "Усходняе партнёрства" "да таго часу, пакуль будзем бачыць, што яна прыносіць карысць".