Савет Рэспублікі: Пра прызначэнне Мясніковіча нічога не ведаем!

Личности

У Савеце Рэспублікі нічога не ведаюць пра прызначэнне Міхаіла Мясніковіча сваім старшынёй, паведамляе "Радыё Свабода".

«Не ведаю, не буду нічога каментаваць, — заявілі ў прэс-службе Савету Рэспублікі. — Тое, што прагучала па тэлебачанні, удакладніце, калі ласка, у тых, у каго гэта прагучала. Я не бачыў ніякіх афіцыйных дакумэнтаў па дадзеным пытанні».

Інфармацыя аб прызначэнні былога кіраўніка ураду Беларусі Міхаіла Мясніковіча старшынёй Савету Рэспублікі Нацыянальнага сходу з'явілася ў суботу ў праграме «24 гадзіны» тэлеканалу СТВ.

Між тым сёння на Нацыянальным праўным інтэрнэт-партале быў апублікаваны Указ прэзідэнта № 647 аб прызначэнні Мясніковіча чальцом Савету Рэспублікі. Адначасова з'явілася паведамленне аб тым, што Савет Рэспублікі збярэцца на пазачарговую сесію 15 студзеня. Але пра прызначэнне экс-прэм’ера старшынёй верхняй палаты нічога не паведамляецца.