Лукашэнка едзе ў Гродна: горад нагадвае гета

Сёння, 14 лістапада, кіраўнік дзяржавы наведвае з інспекцыяй горад над Нёманам, піша "Наша Ніва".

Напярэдадні прыезда Лукашэнкі вось што паведаміла ў Фэйсбуку жыхарка Гродна, эканаміст Вольга Крапоціна:

"Цэнтр Гародні ўвечары нагадваў нейкае гета: снуюць амаль адны міліцэйскія машыны, людзей практычна няма, дый тыя, хто трапляюцца, выглядаюць як "супрацоўнікі ў цывільным". З іншымі аўто наогул цікава: міма мяне праехала адна з "гукаўзмацняльнікамі" і… зачыненымі жалюзі на вокнах))) Звычайны такі вечар ў Заходняй Беларусі".

Лукашэнка наведае Гродзенскую ГЭС на рацэ Нёман. Яму паведамяць аб выкананні даручэнняў па развіцці Беларускай энергетычнай сістэмы і будаўніцтве гідраэлектрастанцый, а таксама аб будаўніцтве і тэхнічных характарыстыках ГЭС, паведамляе БЕЛТА.

Затым у Гродне адбудзецца нарада з актывам Гродзенскай вобласці. Старшыня Гродзенскага аблвыканкама паведаміць пра стан і перспектывы сацыяльна-эканамічнага развіцця рэгіёну.