Калякін выступае ў абарону камуністаў Украіны

 «Я лічу, што гэта цалкам неправавое рашэнне, па-першае, - заявіў у інтэрвію Радыё Свабода Сяргей Калякін. - Па-другое, гэта робяць сілы і асобы, якія імкнуцца ў Еўрапейскі саюз. Вядома, што паводле стандартаў ЕС абсалютна неабходнай умовай з'яўляецца плюралізм думак і магчымасць выкарыстоўваць тую сімволіку, якую хочаш".

Калякін нагадаў, што ёсць некалькі рашэнняў Еўрапейскага суда па правах чалавека, калі камуністычныя партыі выйгравалі спрэчку аб выкарыстанні той сімволікі, якую выкарыстоўвае Кампартыя Украіны.

- Гэта рашэнне з'яўляецца звядзеннем палітычных рахункаў і спробай рыхтаваць роспуск КПУ. А праз гэта і „прыбраць“ свайго палітычнага канкурэнта. Таму што цалкам відавочна, што эканамічнае становішча не паляпшаецца, і тым, хто знаходзіцца ва ўладзе, вельмі праблематычна будзе выйграць чарговыя парламэнцкія выбары. Таму мы ставімся да гэтага вельмі неэгатыўна, - патлумачыў лідэр беларускай партыі левых.