Прапагандыст Новікаў падаўся ад Лукашэнкі да неанацыстаў - відэа

Личности

 Тэлепрапагандыст, які шмат гадоў замбаваў беларускага гледача, цяпер працуе на расійскіх неанацыстаў, піша "Наша Ніва".

Вось ягоная апошняя праграма:

Праграма зробленая на ранейшы капыл: кактэйль з хлусні. Новікаў заяўляе, што Турчынаў назваў жыхароў Данбаса "недочеловекамі" - ён ніколі такога не казаў. Новікаў гаворыць, што ўкраінскія вайскоўцы і заходнія наёмнікі абстрэльваюць Данецк і Луганск - ніводнага абстрэлу не было. Кажа, што транзіт газу ў Еўропу праз Украіну спынены - ён працягваецца, нягледзячы на адключэнне газу Украіне. І гэтак далей. На БТ ён, помніцца, вяшчаў, што ў Амерыцы дзеці ад голаду ядуць пацукоў.

Мэта праграмы - распальванне варожасці да ўкраінцаў, краін Еўропы і ЗША.

Інтэрнэт-канал, на якім Новікаў зараз змяшчае свае "творы", называецца kramola.info. Літара RA ў назве вылучаныя. Яны стаяць на свастыцы, выкананай у выглядзе стылізаваных языкоў полымя. Сярод апошніх праграм канала - "Свастыка як знак рускай народнай культуры". І па духу, і па форме - чысты неанацызм.

…І такія людзі маюць трыбуну на БТ.