Жонка і паплечніца Дашкевіча сышла да Некляева

Личности

 "Мой выбар паў на "Гавары праўду", бо я веру, што гэтая каманда здольная да прафэсійнай працы, бачу пэўны патэнцыял і буду спрабаваць дапамагчы", - заявіла Наста Дашкевіч у інтэрв'ю "Радыё Свабода".

"Я праходзіў з ёй па адной крымінальнай справе, сядзелі ў адной турме. Магу засведчыць, што так годна, як вяла сябе гэтая дзяўчынка, мала хто сябе так паводзіў - неверагодныя сіла духу, характар, логіка мыслення", - кажа Уладзімір Някляеў, кіраўнік кампаніі "Гавары праўду".

"Дашкевіч важная для мяне яшчэ і тым, што нясе ў сабе беларускі нацыянальны складнік, чаго нашай кампаніі трохі бракуе - і ў гэтым нас справядліва вінавацяць. Яна будзе займацца культурніцкай і медыйнай працай і карэкцыяй кампаніі ў бок нацыянальнага складніку", - удакладняе Някляеў.

Па словах Насты, першым яе праектам будзе цырымонія ўручэння прэміяў імя Святланы Навумавай.