У Белградзе адкрыты офіс Ганаровага консула Беларусі ў Сербіі

На адкрыцці офіса прысутнічалі Прэзідэнт Сербіі Таміслаў Нікаліч, дэпутаты Парламента Сербіі, паслы замежных краін у Сербіі, ганаровыя консулы Беларусі ў Новым Садзе і Крагуеўцы, паведамляе прэс-служба Міністэрства замежных спраў.

3 снежня адбыліся кансультацыі паміж міністэрствамі замежных спраў Беларусі і Сербіі. Кіраўнік беларускай дэлегацыі і намеснік Міністра замежных спраў Сербіі Дам’ян Йовіч абмеркавалі шырокае кола пытанняў, у тым ліку развіццё палітычнага дыялога, рэалізацыю гандлёвых і інвестыцыйных праектаў, стан дагаворна-прававой базы, узаемадзеянне ў галіне культуры, спорту і турызма, супрацоўніцтва Беларусі і Сербіі ў міжнародных арганізацыях, пашырэнне сувязей паміж беларускімі і сербскімі рэгіёнамі і гарадамі.

У гэты ж дзень А.Купчына на сустрэчы з Міністрам замежных спраў Сербіі Іванам Мркічам абмеркавала дэталі рэалізацыі дамоўленасцей кіраўнікоў знешнепалітычных ведамстваў Беларусі і Сербіі, дасягнутых у выніку візіта ў Сербію Міністра замежных спраў Беларусі Уладзiмiра Макея. Былі закрануты пытанні перспектывы далейшага развіцця двухбаковага дыялога і іншыя тэмы ўзаемных інтарэсаў.