Макей будзе з шэнгенскай вiзай, пакуль застаецца міністрам

 Пра гэта гаворыцца ў афіцыйным рашэнні Савета ЕС. Яно апублікаванае сёння ў Афіцыйным часопісе Еўрасаюза, паведамляе euroradio.fm.

У дакуменце падкрэсліваецца, што рашэнне можа быць перагледжанае, калі Савет ЕС палічыць, што мэты не дасягнутыя.

Нагадаем, у панядзелак Савет міністраў замежных спраў Еўрасаюза прыпыніў візавыя санкцыі да Уладзіміра Макея. Аднак яго не выкраслілі з "чорнага спісу" ЕС: на чыноўніка распаўсюджваюцца фінансавыя санкцыі Еўрасаюза.

Прыпыненне санкцый еўрачыноўнікі патлумачылі неабходнасцю спрасціць дыпламатычныя кантакты паміж ЕС і Беларуссю.

Нагадаем, што Макей трапіў пад санкцыі ЕС пасля жорсткага разгону акцыі пратэсту 19 снежня 2010 года. Тады ён займаў пасаду кіраўніка Адміністрацыі прэзідэнта.