Разгляд дакладу Палецкіса адбудзецца 30 мая

Пра гэта Радыё Свабода паведамілі ў брусэльскім офісе еўрадэпутата.

Даклад падрыхтаваны для Еўракамісіі, Рады ЕС і Службы знешніх дзеянняў Еўрапейскай камісіі.

Раней планавалася, што справаздача ў першым чытанні будзе разгледжана 29 мая. Аднак разгляд перанеслі на 30 мая. Юстас Палецкіс не змог прысутнічаць на пасяджэнні камітэту, бо мае шэраг сустрэч у рамках сэсіі Парламэнцкай асамблеі Усходняга партнёрства (Еўранэсту).

Пасля азнаямлення грамадскасці з папярэднім тэкстам дакладу Палецкіса, да ягонага зместу было выказана даволі шмат прэтэнзій.Пры гэтым, як адзначыў у размове са Службай інфармацыі "Еўрабеларусі" дырэктар Цэнтру еўрапейскай трансфармацыі Андрэй Ягораў, шмат якія з памылак і недакладнасцяў даклада тлумачацца рознымі пазіцыямі ўнутры беларускага грамадства.