Дакладчык Еўрапарламента прыехаў у Беларусь

Як паведамілі карэспандэнту Свабоды ў літоўскім бюро еўрапарламентара, у яго заплянаваны шэраг сустрэчаў з прадстаўнікамі ўладаў і апазыцыі. 18 сакавіка ён сустракаецца зь лідэрам партыі «Справядлівы свет» Сяргеем Калякіным і адным зь лідэраў БХД Віталём Рымашэўскім. Візыт працягнецца да 21 сакавіка.

Раней еўрапарламентар распавёў карэспандэнту Свабоды, што займаецца падрыхтоўкай паведамлення пра сувязі і дачыненні паміж ЭЗ і Беларусьсю, якое будзе абмеркаванае вясной у камітэтах Эўрапарлямэнту, а галасаваньне плянуецца правесьці ўвосень.

«Было вельмі шмат рэзалюцыяў па канкрэтных пытаннях: парушэнні правоў чалавека, арышты, не зусім празрыстыя выбары і гэтак далей. А вось такога абагульняльнага дакумэнту пра дачыненні наагул не было. Таму гэтая неабходнасць наспела. Гэта будзе агульны дакумэнт  Еўрапарламенту, і ў фракцыі сацыялістаў я прызначаны галоўным дакладчыкам», – сказаў дэпутат.