Кіраўнік МЗС Латвіі пра даклад МЗС Беларусі: “Чыя б карова мычала”

«Чыя б карова мычала», — сказаў ён, каментуючы апублікаваны ў панядзелак даклад МЗС Беларусі аб парушэннях правоў чалавека ў 2012 годзе ў 25 краінах, перадае Радыё Свабода.

Эдгар Рынкевіч нагадаў, што ў Беларусі прыводзіцца ў выкананне смяротнае пакараньне, ёсць вельмі сур’ёзныя праблемы з дэмакратыяй і правамі чалавека, яна фактычна нават не ўваходзіць у Раду Еўропы і парушае рэкамендацыі ўсіх міжнародных арганізацый.

Кіраўнік МЗС Латвіі лічыць, што, узяўшы за аснову інфармацыю Еўрапейскага суду па правах чалавека, звяртацца ў які грамадзяне самой Беларусі фактычна не могуць, Беларусь, падобна, хоча прыхаваць свае праблемы і працягваць «традыцыю гучней крычаць аб праблемах, якія ёй варта было б вырашаць самой».