У Нацыянальным сходзе створаная група па праблеме смяротнага пакарання

Пра гэта Радыё Свабода паведаміў старшыня гэтай групы, кіраўнік камісіі па заканадаўстве Палаты прадстаўнікоў Мікалай Самасейка. Ён сказаў, што рашэнне аб стварэнні такой групы было прынята 20 снежня на паседжанні Савету Рэспублікі. У склад групы ўвайшлі пяць чалавек: тры дэпутаты Палаты прадстаўнікоў і два з верхняй палаты Савету Рэспублікі.

Мікалай Самасейка сказаў, што першае працоўнае паседжаньне групы адбудзецца пасьля Новага году: «Пытанне аб смяротным пакаранні з'яўляецца актуальным. Беларускі народ выказаўся па ім на рэфэрэндуме, але з часу рэфэрэндуму прайшло паўтара дзясятка гадоў, і за гэты час сітуацыя змянілася. Наша група якраз і будзе займацца вывучэннем усіх праблемаў смяротнага пакарання, у тым ліку і стаўлення да іх насельніцтва Рэспублікі Беларусь».