Аўдронюс Ажубаліс: Уся эканоміка Беларусі прывязаная да Расіі

“Уся эканоміка Беларусі прывязаная да Расіі праз розныя субсідыі альбо ўзмоцнены кантроль вытворчасці. Калі Расія прывядзе свае эканамічныя адносіны зь Беларуссю на тыя ж падставы, як адносіны з Літвой або якой заўгодна іншай еўрапейскай краінай, беларуская эканоміка абрынецца. Без сумневу – як і Лукашэнка, Пуцін ведае гэта вельмі добра. І гэта вызначае ступень незалежнасці Лукашэнкі”,- заявіў Аўдронюс Ажубаліс у размове з беларускай службы Радыё “Свабода”.

Міністар замежных спраў Літвы адзначыў, што “на Беларусь можна было б вельмі лёгка паўплываць праз Маскву”. “Але хіба Еўрасаюз павінен уплываць такім чынам? Мы зацікаўленыя ў дэмакратычнай Беларусі з цалкам дзеяздольнай рынкавай эканомікі і вяршэнствам закона. І, на жаль, цяперашняя Расія не ў стане дапамагчы нам дасягнуць вышэйзгаданай мэты”,- адзначыў кіраўнік замежнапалітычнага ведамства Літвы.

Аўдроню Ажубаліс нагадаў, што “Літва ёсьць часткай ЕС і падзяляе яго знешнюю палітыку”. “Як вы ведаеце, ЕС у цяперашні час рэалізуе палітыку крытычнага ўзаемадзеяння ў адносінах да Беларусі з-за рэпрэсій беларускіх уладаў у дачыненні да грамадзянскай супольнасці і парушэнняў грамадзянскіх правоў. Умовы для змены гэтай палітыкі вельмі ясныя: безумоўнае вызваленне і рэабілітацыя ўсіх палітычных зняволеных у Беларусі”,- падкрэсліў кіраўнік МЗС Літвы.