Среда 21 августа 2019 года | 19:58
  • бел / рус
  • eng

Лятучы ўніверсітэт: праз гульню да новай якасці чалавека (Фота і відэа)

14.11.2015  |  Год беларускага мыслення   |  Петр Кухта,  ЕвроБеларусь
Лятучы ўніверсітэт: праз гульню да новай якасці чалавека (Фота і відэа) Фота: Лятучы ўніверсітэт

Са студзеня 2016 года Лятучы ўніверсітэт распачынае новую адукацыйную праграму. Яе прэзентацыя адбылася ўвечары 13 лістапада ў мінскім бізнес-клубе «Imaguru».

Праграмай прадугледжана з’яўленне новага узроўню ў структуры адукацыі Лятучага ўніверсітэта — школ магістраў гульні. Пра тое, у чым іх сутнасць, распавялі зацікаўленым магчымым удзельнікам кіраўнікі школ.

Метадолаг і сацыёлаг Таццяна Вадалажская нагадала аўдыторыі пра тое, што наступны год аб'яўлены Лятучым ўніверсітэтам Годам беларускага мыслення, якое, «нягледзячы на тое, што яно ёсць, яно прысутнае, даволі часта грамадствам незаўважнае». «І каб заўважыць яго, каб прыцягнуць увагу — і сваю, і наваколля, — мы ў гэты год прапаноўваем некалькі ініцыятыў, праектаў, да якіх можна далучацца. Шмат хто з вас бачыў праект «Цытуй сваё». Гэта спроба прыцягнуць увагу і выцягнуць на паверхню тое, аб чым думалі і нашыя продкі, і нашыя сучаснікі. Гэта лекцыі «Галоўнае пытанне», якія адбываюцца зараз кожную сераду, — спроба даць магчымасць беларускім мыслярам, інтэлектуалам, навукоўцам паразважаць — разам з публікай — пра тое, што ёсць сёння самым існым для нас. Мэта ўсіх гэтых мерапрыемстваў — зрабіць беларускае мысленне бачным», — зазначыла Таццяна Вадалажская.

Пяць гадоў працы Лятучага ўніверсітэта, паводле Таццяны Вадалажскай, былі і пошукам зместу адукацыі. «У гэтым годзе мы прыйшлі да таго, што фактычным зместам новай універсітэцкай адукацыі з’яўляецца новая якасць чалавека. Не новы чалавек, а тая якасць, якая дае яму магчымасць паўнавартасна існаваць у сучасным свеце. Якасць трэба знайсці. І мы гэта бачым не ў новых ведах і нават не ў новых кампетэнцыях. Гэта здольнасць чалавека саўдзельнічаць у паўстанні новага часу. Калі прыглядзецца, то зараз фактычна страчваюць матывацыю папярэднія ўтопіі, праекты, парушаюцца інстытуцыі, ірвуцца сувязі і г.д. Новы час паўстае. Трэба быць гатовым да саўдзелу ў гэтым новым часе, новых сувязях. Гэта арыентаванасць не на прафесіі, не на тэмы ці вузкія часткі дзейнасці, а на праблемы і справы, не на частковасць, а на справу жыцця, справу, якую ты робіш разам з кімсьці», — зазначыла Таццяна Вадалажская.

Яшчэ адным аспектам новай праграмы яна называе скіраванасць на самавызначэнне і цэласнасць: «Чалавек у сённяшнім свеце павінен быць здольным самавызначацца кожную хвіліну, бо абставіны змяняюцца таксама штохвілінна, і кожную хвіліну трэба шукаць адказы на пытанні, знаходзіць выйсце».

«Яшчэ адна важная частка якасці сучаснага чалавека — стасункі з іншымі. З рознымі іншымі. З блізкімі і вельмі далёкімі, з такімі іншымі, якіх раней мы нават не маглі сабе ўявіць і з якімі вельмі цяжка знайсці агульную мову, — кажа Таццяна Вадалажская. — І вось такога чалавека мы пазначылі як Homo Ludens, чалавека гуляючага. Гэта наша інтуіцыя, гэта наша пакладанне ў будучыню, гэта тое месца, як мы бачым, дзе шукаць новую якасць чалавека, новы змест адукацыі. Рыхтуючыся на гэты змест і гэтага чалавека, мы ў гэтым годзе аб'яўляем адукацыйную праграму, якая гэтым разам будуецца ў двух узроўнях».

Для тых, хто хацеў бы выбудоўваць асабістую адукацыйную траекторыю ў вольным руху, Лятучы ўніверсітэт прапануе ўжо добра знаёмы традыцыйны фармат — адукацыйныя курсы. Гэты т.зв. «першы ўзровень» новай праграмы складаюць 8 курсаў, на якіх свае падыходы і практыкі мыслення прадставяць вядомыя беларускія інтэлектуалы і культурныя дзеячы: Уладзімір Мацкевіч, Міхал Анемпадыстаў, Ірына Дубянецкая, Генадзь Сагановіч, Міхаіл Баярын, Ігар Бабкоў, Павел Баркоўскі, Вячаслаў Бабровіч.

«Гэта даволі шырокая прастора для вольных слухачоў, калі людзям дадзеная абсалютная свабода выбару, самавызначэння, вырашэння таго, куды ісці і што рабіць на тых курсах ды семінарах, якія мы прапануем. Гэта прастора, якая абавязвае толькі самога чалавека ў вызначэнні, што яму рабіць, — зазначае Таццяна Вадалажская. — І, зразумела, што ўніверсітэт быў павінен выбудаваць над гэтай агульнай шырокай прасторай яшчэ адзін узровень — магістэрскі. Гэта — школы магістраў гульні — узровень, які выстаўляе ўжо і патрабаванні да жадаючых прайсці яго».

Школы магістраў гульні разлічаныя на невялікія групы адмыслоўцаў, шчыльную камунікацыю з настаўнікамі — вядомымі беларускімі інтэлектуаламі і мыслярамі, — школы задуманыя як месцы супольнай працы па стварэнні новых сэнсаў і практык:

Уладзімір Мацкевіч кажа: «Да сябе ў школу я запрашаю тых, хто знаходзіць у сабе вось гэтую якасць — быць народжаным дзеля выйгрышу. Але каб выйграць, трэба рабіць стаўкі. Нельга выйграць ні ў адну гульню, калі вы пачынаеце яе без уяўлянне пра сябе як пра пераможцу. Таму трэба рабіць нашу праграму лёгка, з гульнёй, ператвараць нават тое, што нас раздражняе ў тое, што можа прынесці задавальненне. Мы будзем гуляць ва ўніверсітэт з зусім новай адукацыяй, робячы стаўку сваім часам, сваёй увагай, тым, што тыдзень пасля семінара ваша галава будзе занятая тым, што там адбывалася. Але дзеля чаго? Дзеля таго, каб раптам выйграць! Знайсці ў сабе новага чалавека, паўплываць на нейкія змены ў Беларусі. Але пры гэтым аніякай узнагароды ў выглядзе прызоў, прэмій, дыпломаў ды званняў вы не атрымаеце, акрамя таго, што прыдбаеце выйгрыш у самім сабе ды станеце адным з удзельнікаў пераўтварэнняў Беларусі. Пры ўсіх недахопах нашай краіны, тут ёсць магчымасць жыць, і жыць так, як вам падабаецца насамрэч, але такую магчымасць — жыць так, як вам хочацца, — можна толькі выйграць. І дзеля гэтага трэба рабіць стаўку».

Філосаф Ігар Бабкоў заяўляе, што «мы не збіраемся займацца адукацыйнымі паслугамі, мы хочам сабраць такую вось вясёлую банду інтэлектуалаў, людзей сапраўды з амбіцыямі, якія будуць утвараць наступнае пакаленне і браць на сябе адказнасць за беларускае мысленне».

«Такая мэта ёсць. Думаю, што гэта цалкам рэальна ў Лятучым універсітэце. Сабраць людзей, якія не проста хочуць думаць нешта сабе ціхенька, асабіста, але хацелі б думаць у кантэксце беларускім, хацелі б, каб вынікі іх мыслення былі ў гэтым кантэксце заўважнымі і працуючымі. Задача — сфармаваць наступнае пакаленне беларускіх інтэлектуалаў», — падкрэсліў Ігар Бабкоў.

Запіс на курсы і школы — да 5 снежня 2015 года.

Усе заняткі бясплатныя. Заняткі першага і другога ўзроўняў будуць праходзіць увечары і пераважна ў працоўныя дні.

Дадатковыя пытанні можна задаць, напісаўшы па адрасе: flyuniby@gmail.com.

Відэазапіс прэзентацыі адукацыйнай праграмы:

Другие новости раздела «Год беларускага мыслення»

Таццяна Вадалажская: Мысленне існуе толькі ў жывым інтэлектуальным напружанні
Таццяна Вадалажская: Мысленне існуе толькі ў жывым інтэлектуальным напружанні
Не ўсякі, хто мае дыплом, можа звацца інтэлектуалам, і ў той жа час — пытанні, датычныя да мыслення, існуюць у любых, часам, нават самых нечаканых сферах.
Інтэлектуальная думка як вынік рэжыму
Інтэлектуальная думка як вынік рэжыму
Ці сапраўды мы жывем у кантэксце, дзе недастаткова, каб мысленне было і працавала – яно павінна яшчэ заявіць пра гэта?
Эксперты: Панаванне расійскай мовы ў Беларусі – гэта небяспека
Эксперты: Панаванне расійскай мовы ў Беларусі – гэта небяспека
Ці можна захоўваць і абараняць незалежнасць краіны, калі нацыянальная ідэнтычнасць неразвітая?
Зміцер Задорын: Што не так з Цэнтральнай плошчай Мінска? (Фота і відэа)
Зміцер Задорын: Што не так з Цэнтральнай плошчай Мінска? (Фота і відэа)
Эксперт называе яе “парокам сэрца” ў целе горада. Чаму Цэнтральнай (Кастрычніцкай) плошчы так і не ўдалося гарманічна ўпісацца ў сталічны ландшафт?
Феномен вышыванкі: мода, нацыянальная ідэнтычнасць ці палітыка? (ФОТА)
Феномен вышыванкі: мода, нацыянальная ідэнтычнасць ці палітыка? (ФОТА)
Гэтая рэч заваявала прыхільнасць соцень беларусаў, і ў той жа час паўстала армія ненавіснікаў вышыванкі. Чаму яна выклікае такія жарсці?
Тыдзень беларускага мыслення завяршыўся канцэртам Лявона Вольскага (ФОТА)
Тыдзень беларускага мыслення завяршыўся канцэртам Лявона Вольскага (ФОТА)
У сталічным "Корпусе 8" адбылося ўрачыстае закрыццё ўнікальнай для краіны падзеі.
Ярослав Бекиш: Этично ли рассуждать о национальной идентичности, если мир через 20 лет станет другим
Ярослав Бекиш: Этично ли рассуждать о национальной идентичности, если мир через 20 лет станет другим
При самом благоприятном варианте развития событий изменения климата в ближайшие десятилетия необратимы — и, как следствие, неизбежно изменится весь привычный уклад жизни человечества.
Куды рухаецца беларуская палітычная думка? (фота)
Куды рухаецца беларуская палітычная думка? (фота)
Калі тэмы «беларуская нацыя» і «беларуская дзяржава» ўжо ў значнай ступені асэнсаваныя паліталагічнай супольнасцю, то феномен беларускага аўтарытарызму яшчэ чакае грунтоўных даследаванняў.
Уладзімір Мацкевіч: Будаваць узаемаадносіны са штучным інтэлектам трэба вучыцца ўжо сёння (Фота)
Уладзімір Мацкевіч: Будаваць узаемаадносіны са штучным інтэлектам трэба вучыцца ўжо сёння (Фота)
Што рабіць, калі людзі паводзяць сябе як аўтаматы, як не пераўтварыцца ў жывёл з безумоўным даходам і чаму Беларусь – прымітыўная мегамашына.
Вусная гісторыя: беларусаў яшчэ палохае зварот да сваёй памяці (фота)
Вусная гісторыя: беларусаў яшчэ палохае зварот да сваёй памяці (фота)
Галоўная праблема, як вынікае з дыскусі падчас круглага стала «Вусная гісторыя як новы спосаб асэнсавання мінулага і гістарычнага мыслення», - пакуль вельмі невялікі грамадскі запыт на памяць.
Уладзімір Галянкоў: Інтэлектуальныя сістэмы – не фантастыка (Фота і відэа)
Уладзімір Галянкоў: Інтэлектуальныя сістэмы – не фантастыка (Фота і відэа)
Што замінае развівацца рынку інтэлектуальных сістэм у Беларусі?
Беларускі Калегіюм: жывое даследванне, вольнае мысленне і свабодная творчасць (ФОТА)
Беларускі Калегіюм: жывое даследванне, вольнае мысленне і свабодная творчасць (ФОТА)
У Мінску адбылася прэзентацыя найстарэйшай у Беларусі нефармальнай адукацыйнай і інтэлектуальнай прасторы.
“Месца, дзе можна адчуць сябе жывым” (Фота і відэа)
“Месца, дзе можна адчуць сябе жывым” (Фота і відэа)
Што такое Лятучы ўніверсітэт і як у ім гуляюць.
The show must go on, альбо Год завяршаецца – мысленне застаецца (ФОТА)
The show must go on, альбо Год завяршаецца – мысленне застаецца (ФОТА)
Узгадваем інтэлектуальнае жыццё краіны цягам Года беларускага мыслення.
Беларусь адбудзецца як краіна, калі яна будзе думаць (Фота і відэа)
Беларусь адбудзецца як краіна, калі яна будзе думаць (Фота і відэа)
У Мінску адкрылася выстава інтэлектуальных выданняў “Cogito Albarutheniae. Панарама беларускага мыслення”.
“Cogito Albarutheniae”: імёны, якія мысляць Беларусь (ФОТА)
“Cogito Albarutheniae”: імёны, якія мысляць Беларусь (ФОТА)
У Мінску адкрываецца ўнікальная выстава нацыянальнага мыслення з прыватных калекцый беларускіх філосафаў.
Таццяна Вадалажская: У новым сезоне Лятучы ўніверсітэт папрацуе з ідэнтычнасцю і індывідуальнасцю
Таццяна Вадалажская: У новым сезоне Лятучы ўніверсітэт папрацуе з ідэнтычнасцю і індывідуальнасцю
Новы навучальны сезон у Лятучым універсітэце будзе абвешчаны ўжо ў сярэдзіне верасня, заняткі ж традыцыйна пачнуцца з сярэдзіны кастрычніка.
Таццяна Вадалажская: Мы спрабуем больш шырока разумець беларускае мысленне
Таццяна Вадалажская: Мы спрабуем больш шырока разумець беларускае мысленне
У верасні беларусаў чакаюць сем дзён, насычаных інтэлектуальнымі прыгодамі.
Таццяна Вадалажская: Чаму важны Універсітэт Гульні і Гульня ва Універсітэце
Таццяна Вадалажская: Чаму важны Універсітэт Гульні і Гульня ва Універсітэце
У чым розніца паміж Лятучым універсітэтам і традыцыйным і як Гульня ўплывае на нас і наша існаванне ў гэтым свеце?
Міхал Анемпадыстаў: У сённяшняй сітуацыі Міжмор’е – палітычна  абсалютна нерэальны праект
Міхал Анемпадыстаў: У сённяшняй сітуацыі Міжмор’е – палітычна абсалютна нерэальны праект
Якім чынам Беларусь можа выкарыстаць ідэю новай аб’яднанай Еўропы?
"Повестка 50": история одной кампании

Общественная кампания по реализации принципов Конвенции ООН о правах людей с инвалидностью подводит итоги и намечает новые горизонты.

Мониторинг реализации Конвенции ЮНЕСКО об охране разнообразия форм культурного самовыражения (2019)

Представляем отчет по результатам второго комплексного исследования-мониторинга реализации Республикой Беларусь Конвенции ЮНЕСКО об охране и поощрении разнообразия форм культурного самовыражения.

Улад Вялічка — пра ўдзел Беларусі ва Усходнім партнёрстве: трэба больш жадаць і намагацца большага

10 год удзелу Беларусі ва Усходнім партнёрстве. Што гэта дало нашай краіне? Як складваліся адносіны з ЕС? Якімі магчымасцямі Беларусь да гэтага часу не скарысталася? Чаго чакаць надалей?

Перспективы политического протеста в России: эскизный набросок

Нельзя понять анатомию человека, основываясь исключительно на анатомии обезьяны. Человек продвинулся в своей эволюции куда дальше.