Четверг 13 декабря 2018 года | 06:06
  • бел / рус
  • eng

У Беларусі зафіксавана 120 выпадкаў ціску на студэнтаў

28.01.2016  |  Болонский процесс   |  Яўгенія Бурштын, ЕўраБеларусь,  
У Беларусі зафіксавана 120 выпадкаў ціску на студэнтаў

Ціск, запалохванне, рэпрэсіі, закрытасць – гэта пакуль што, на жаль, тыя з’явы, якія адзначаюць эксперты ў сферы рэалізацыі праграмы Балонскага працэсу ў Беларусі.

27 студзеня ў Мінску прэзентавалі першую Справаздачу аб маніторынгу імплементацыі Дарожнай карты рэфармавання вышэйшай адукацыі Беларусі за перыяд чэрвень-снежань 2015 года. Справаздача падрыхтаваная спецыяльнай камісіяй (Ad Hoc Commission), сфармаванай з прадстаўнікоў грамадзянскай супольнасці Беларусі і экспертаў Грамадскага Балонскага камітэту для маніторынгу рэформы беларускай вышэйшай адукацыі Беларускай нацыянальнай платформай Форума грамадзянскай супольнасці.

Служба інфармацыі “ЕўраБеларусі” пазнаёмілася з вынікамі маніторынгу.

Сябра Грамадскага Балонскага камітэту Уладзімір Дунаеў распавёў, што крокі па імплементацыі Еўрапейскай прасторы вышэйшай адукацыі (ЕПВА) ў нашай краіне не суправаджаюцца ўзмацненнем адкрытасці сістэмы вышэйшай адукацыі. Большасць дакументаў, у тым ліку ключавыя дакументы ЕПВА, не знаходзяцца ў адкрытым доступе альбо не перакладзеныя на дзяржаўныя мовы; недаступная інфармацыя аб складзе радаў ВНУ, уставы, інфармацыя аб бюджэце і інш.

“Ніякай неабходнасці ў такой сакрэтнасці, відавочна, няма. Але яна не толькі не змяншаецца, яна ўзмацняецца. Такая закрытасць спараджае недавер”, - заўважыў Уладзімір Дунаеў. 

Апроч таго, маюць месца факты ўзмацнення цэнзуры, прымус студэнтаў галасаваць датэрмінова на прэзідэнцкіх выбарах, выкарыстанне навучэнцаў на сельскагаспадарчых і будаўнічых работах, а таксама ў афіцыйных палітычных кампаніях і масавых мерапрыемствах. Захоўваецца сістэма размеркавання на працу выпускнікоў, якія вучыліся бясплатна, што з’яўляецца не толькі прымусовай формай працы, але і страчвае эфектыўнасць ва ўмовах дэфіцыту працоўных месцаў, які расце.

Удзельнік Ad Hoc Commission на базе Нацыянальнай платформы Андрэй Ягораў займаецца міжнароднымі кантактамі ў працэсе імплементацыі Дарожнай карты. Яго эксперт назваў не вузкім адукацыйным, а палітычным пытаннем. У тым ліку таму, што гэта – адзін з фарматаў узаемадзеяння Беларусі з еўрапейскімі краінамі.

“Мы хацелі б бачыць прадстаўленай грамадзянскую супольнасць у ходзе імплементацыі і маніторынгу Дарожнай карты, - падкрэсліў Андрэй Ягораў. – Удзел грамадства ў якіх-кольвечы працэсах у Беларусі даволі складаны, і мы не маем адкрытага фармату камунікацый з беларускімі ўладамі і Міністэрствам адукацыі па гэтых пытаннях. Таму нам даводзіцца прыкладаць шмат намаганняў, каб быць не пабочнымі назіральнікамі, а ўдзельнікамі”.

Зрэшты, часткова гэта ўдаецца. У прыватнасці, Форум грамадзянскай супольнасці выступіў з прапановай увайсці ў якасці назіральніка ў групу па назіранні за выкананнем Дарожнай карты. Аднак у гэтым было адмоўлена, бо Форум афіцыйна не з’яўляецца сябрам Балонскага працэсу. Тым не менш, па словах Андрэя Ягорава, шанцы далучыцца да яго даволі высокія.

Сваю справаздачу па маніторынгу парушэння правоў студэнтаў прэзентавалі і прадстаўнікі студэнцкай супольнасці StudentWatch.

“Усяго ў адказах анкет зафіксавана 120 выпадкаў ціску на студэнтаў, большая частка з якіх мае  адносіны да БДУ”, - распавяла прадстаўніца студэнцкай групы Аляксандра Кузьміч.

Распрацаваная анкета была распаўсюджана ў сацсетках і прапанавана для запаўнення студэнтам. Такім чынам, адказы атрыманы толькі ад тых людзей, якія самі звязаліся з маніторынгавай групай і захацелі запоўніць анкету.

“Усе метады ціску адміністрацыі, як правіла, аднолькавыя. Самы распаўсюджаны – асабістая размова са студэнтамі, а таксама візіт у групы, запалохванне няздачай экзаменаў альбо нейкія завуаляваныя намёкі на рознага кшталту праблемы”, - працягнула Аляксандра Кузьміч.

Як правіла, па дапамогу да студэнцкай маніторынгавай ініцыятывы звяртаюцца толькі тыя навучэнцы, якіх ужо адлічылі. Напрыклад, Глеб Вайкуль, якога выключылі з БДУ за ўдзел у студэнцкім маршы супраць платных пераздач. Па гэтай жа справе адлічылі яшчэ аднаго студэнта, апроч таго зафіксавана 11 вымоў, і людзі, што іх атрымалі, цяпер знаходзяцца на мяжы выключэння. Як адзначыла Аляксандра, сярод студэнтаў пануе страх, таму большасць з іх не пакідае сваіх кантактаў арганізатарам маніторынгу, што, безумоўна, ускладняе гэты працэс.

Пра асобныя выпадкі ціску расказаў ужо былы студэнт БДУ, які пажадаў застацца неназваным. Хлопца адлічылі ў зімовую сесію за ўдзел у той самай кампаніі “Студэнты супраць”, хаця фармальнай прычынай стала акадэмічная запазычанасць. Хлопец расказаў і пра іншыя выпадкі рэпрэсій у адносінах да студэнтаў, у тым ліку і тыя, калі ініцыятыве StudentWatch удалося адстаяць правы навучэнцаў. Так, студэнта Акадэміі мастацтваў Міхаіла аштрафавалі і пагражалі адлічыць за перфоманс, які ён зладзіў у падтрымку людзей з парушэннем слыха і маўлення: у спецыяльных пальчатках падпаліў сабе рукі ў цэнтры горада. Па словах выступоўцы, Міхаілу перанеслі дату здачы экзамена, не паведаміўшы яму пра гэта, тым самым адміністрацыя ВНУ парушыла правілы атэстацыі. За дзень да экзамену выкладчык паведаміў, што збіраецца паставіць студэнту 2 балы і адлічыць яго з курса. Аднак пад уплывам званкоў у адміністрацыю прадстаўнікоў маніторынгавай групы гэтага не здарылася. Сітуацыя застаецца пад кантролем студэнцкай ініцыятывы.

“У сітуацыі з Глебам Вайкулем складана меркаваць, што насамрэч адбывалася, але ёсць факт парушэння правілаў атэстацыі, - распавёў былы студэнт. – Глебу выставілі адмоўны бал у атэстацыйную ведамасць, і на момант прыняцця рашэння хлопец не быў выдалены з аўдыторыі. Пры гэтым нарады камісіі не было, гэта было аднаасобнае рашэнне загадчыцы кафедры”.

Пералічанае - яшчэ не ўсе выпадкі ціску. Запалохванне няздачай сесіі, узнікненне праблем у пэўных навучэнцаў нават з-за нязначнай колькасці пропускаў – праз гэта давялося прайсці не аднаму студэнту. З прычыны таго, што многім з іх яшчэ пагражаюць рэпрэсіі, імёны і падрабязнасці не раскрываюцца.

“Калі ёсць страх – няма свабоды”, - падсумаваў з гэтай нагоды Уладзімір Дунаеў.

У сваю чаргу старшыня Камітэту дапамогі рэпрэсаваным “Салідарнасць” Іна Кулей перакананая, што студэнцкай супольнасці неабходна заяўляць пратэст супраць ціску з боку адміністрацый ВНУ.

“Лічу, што вельмі пільна трэба сачыць за развіццём падзей і заклікаю загадзя праявіць салідарнасць, калі гэта будзе неабходна, - сказала Іна Кулей. – Наперадзе яшчэ летняя сесія. І наша практыка сведчыць, што часта гэта бывае адтэрмінаванае пакаранне”.

Другие новости раздела «Болонский процесс»

У Беларусі адзін працадаўца – дзяржава (ФОТА)
У Беларусі адзін працадаўца – дзяржава (ФОТА)
Якія рычагі, апроч адміністратыўных, можна выкарыстоўваць для павышэння шанцаў працаўладкавання выпускнікоў?
Уладзімір Дунаеў: Беларусь у Балонскім працэсе ўратуе грамадскі і міжнародны кантроль
Уладзімір Дунаеў: Беларусь у Балонскім працэсе ўратуе грамадскі і міжнародны кантроль
Наша краіна да цяперашняга часу павінна была выканаць абавязацельствы, якія ўзяла на сябе, далучыўшыся да Балонскага працэсу. Аднак улады не змаглі нават наблізіцца да выканання іх пераважнай часткі.
Андрэй Ягораў: Беларусь можа апынуцца ў “статку чорных авечак”
Андрэй Ягораў: Беларусь можа апынуцца ў “статку чорных авечак”
Незалежныя эксперты па маніторынгу Балонскага працэса бачаць сэнс у працягу Дарожнай карты рэфармавання вышэйшай адукацыі для нашай краіны, але з узмацненнем яе ўмоваў.
Што не так у Беларусі з акадэмічнымі свабодамі і правамі студэнтаў?
Што не так у Беларусі з акадэмічнымі свабодамі і правамі студэнтаў?
Балонскія каштоўнасці ў нашай краіне не спяшаюцца рэалізаваць, а ўсё, што зроблена ў рэфармаванні сістэмы адукацыі, паступова пераўтвараецца ў анахранізм.
Эксперты: Беларусізацыя адукацыі неабходна, але яна не павінна пераўтварыцца ў карыкатуру
Эксперты: Беларусізацыя адукацыі неабходна, але яна не павінна пераўтварыцца ў карыкатуру
Мова – гэта палітычная прылада, яна кіруе палітычнай прасторай. І калі гэтая прастора не запоўнена сваёй мовай, яна будзе запоўнена чужой.
Уладзімір Дунаеў: Наша краіна пакуль адстае нават ад адсталых
Уладзімір Дунаеў: Наша краіна пакуль адстае нават ад адсталых
Імплементацыя Дарожнай карты рэфармавання вышэйшай адукацыі ўступае ў сваю крытычную фазу.
Уладзімір Дунаеў: Дарожная карта ў сферы  вышэйшай адукацыi можа не быць выканана
Уладзімір Дунаеў: Дарожная карта ў сферы вышэйшай адукацыi можа не быць выканана
Для мабілізацыі адукацыйных рэформ у Беларусі неабходна, каб загучаў голас грамадскасці.
Святлана Мацкевіч: Хутчэй за ўсё, Беларусь будзе працягваць імітаваць Балонскі працэс
Святлана Мацкевіч: Хутчэй за ўсё, Беларусь будзе працягваць імітаваць Балонскі працэс
Да завяршэння тэрміну імплементацыі Дарожнай карты ў рамках Балонскага працэсу ў Беларусі застаецца паўтара года, але значнага прасоўвання ў гэтым пытанні эксперты не назіраюць.
Уладзімір Дунаеў: За мяжой вучацца 30 000 беларусаў, але палова з іх – у Расіі
Уладзімір Дунаеў: За мяжой вучацца 30 000 беларусаў, але палова з іх – у Расіі
У межах Тыдня студэнта сябра Грамадскага Балонскага камітэту Уладзімір Дунаеў выступіў з адкрытай лекцыяй і распавёў пра доўгі шлях Беларусі ў Балонскі працэс.
Ян Садлак: В имплементации Болонской дорожной карты должны быть задействованы все игроки
Ян Садлак: В имплементации Болонской дорожной карты должны быть задействованы все игроки
Сегодня высшее образование не приемлет систему ручного управления, подчеркивает европейский эксперт, профессор Ян Садлак, один из участников становления Болоноского процесса.
Гражданское общество готово стать полноценным участником реформирования высшего образования
Гражданское общество готово стать полноценным участником реформирования высшего образования
В Минске проходит представительная конференция «Общественное участие в модернизации высшей школы: роль ГО в имплементации Дорожной карты реформирования высшего образования Беларуси».
Балонскі працэс – “тэст на адэкватнасць” для ўзаемадзеяння з Еўразвязам
Балонскі працэс – “тэст на адэкватнасць” для ўзаемадзеяння з Еўразвязам
Эксперты адзначаюць замарожванне рэформ і адкат у працэсе імплементацыі Дарожнай карты.
Уладзімір Дунаеў: Тое, што цяпер адбываецца з Дарожнай картай, можна назваць сабатажам
Уладзімір Дунаеў: Тое, што цяпер адбываецца з Дарожнай картай, можна назваць сабатажам
Рэфармаваць сістэму вышэйшай адукацыі Беларусь пакуль што, мякка кажучы, не спяшаецца, а на пасяджэнні маніторынгавай групы па гэтым пытанні ўмудрылася яшчэ і аскандаліцца.
Як у Мінску 35 гадоў таму студэнты пацярпелі за свае правы
Як у Мінску 35 гадоў таму студэнты пацярпелі за свае правы
Бяскрыўднае святкаванне Дня філосафа ў 1981 годзе прывяло да рэпрэсій і смерці аднаго з удзельнікаў.
Размеркаванне: заканадаўства не ведаюць ні студэнты, ні адміністрацыі ВНУ?
Размеркаванне: заканадаўства не ведаюць ні студэнты, ні адміністрацыі ВНУ?
На сённяшні дзень з усіх краін былога Савецкага Саюза толькі ў Беларусі дзейнічае сістэма размеркавання пасля вучобы на бюджэце.
У Беларусі зафіксавана 120 выпадкаў ціску на студэнтаў
У Беларусі зафіксавана 120 выпадкаў ціску на студэнтаў
Ціск, запалохванне, рэпрэсіі, закрытасць – гэта пакуль што, на жаль, тыя з’явы, якія адзначаюць эксперты ў сферы рэалізацыі праграмы Балонскага працэсу ў Беларусі.
Уладзімір Дунаеў: Мы з’яўляемся сведкамі таго, як парушаюцца акадэмічныя каштоўнасці
Уладзімір Дунаеў: Мы з’яўляемся сведкамі таго, як парушаюцца акадэмічныя каштоўнасці
Заўтра, 27 студзеня, Грамадскі Балонскі камітэт збіраецца прадставіць сваю справаздачу аб маніторынгу ў сферы адукацыі з моманту ўмоўнага прыняцця Беларусі ў Балонскі працэс да канца 2015 года.
Павел Терешкович: Беларусские власти отказываются повышать уровень автономии университетов
Павел Терешкович: Беларусские власти отказываются повышать уровень автономии университетов
Желание власти контролировать процессом назначения руководства учреждений высшего образования препятствует выполнению дорожной карты Болонского процесса.
Владимир Дунаев: Беларусские вузы продолжают находиться в закрытом академическом пространстве
Владимир Дунаев: Беларусские вузы продолжают находиться в закрытом академическом пространстве
Продвижение академических свобод остается проблемным местом на пути выполнения Беларусью Дорожной карты Болонского процесса.
Беларуские власти продолжают наступление на свободу и права академического сообщества
Беларуские власти продолжают наступление на свободу и права академического сообщества
Общественный Болонский комитет констатирует отсутствие прогресса в имплементации Дорожной карты реформирования высшего образования Беларуси в части фундаментальных академических ценностей.
В Столбцах подписали местный план действий по реализации Конвенции о правах людей с инвалидностью

Примечательно, что из пяти пилотных городов Столбцы последними присоединились к кампании «Повестка 50», но первыми завершили подготовку местной повестки.

Гражданское общество Беларуси: актуальное состояние и условия развития (2015-2017)

Представляем вашему вниманию отчет по результатам комплексного исследования гражданского общества Беларуси за период 2015-2017 годов.

"Размова Мацкевіча" з Андрэем Ягоравым пра будучыню Беларусі (Відэа)

Якая наша бліжэйшая будучыня паміж Расіяй і Захадам, якія нашы перспектывы ў іншых сферах і што больш можа натхніць беларусаў — ВКЛ ці IT-тэхналогіі?

Татьяна Водолажская: Онлайн­ создает совершенно новую образовательную среду

Дистанционные программы стремительно набирают популярность. Как в таких условиях трансформировать работу университетов, чтобы сохранить их конкурентоспособность на рынке образовательных услуг?