Пераможца Гедройца-2017 — Зміцер Бартосік. Відэазапіс анлан-трансляцыі

Другое месца прысуджана Людміле Рублеўскай, аўтарке кнігі "Дагератып", трэцяе — Адаму Глобусу з кнігай "Зваротная перспектыва".

Нагадаем, што ў шорт-ліст Гедройца-2017 патрапілі 7 кніг:

• "Быў у пана верабейка гаварушчы" — Змітра Бартосіка;
• "Ноч цмока" — Валера Гапеева;
• "Зваротная перспектыва" — Адама Глобуса;
• "Радзіва "Прудок". Дзённік" — Андруся Горвата;
• "Падарожжа на край ложка" — Сяргея Календы;
• "Дагератып" — Людмілы Рублеўскай;
• "Апоўначы на сіялімскім мосце" — Аляксея Талстова.

Напярэдадні Blog Tv Trixter і кнігарня "ЛогвінаЎ" зладзілі сустрэчы з намінантамі:

• Падчас першай сустрэчы, 11 кастрычніка, у межах праграмы "Віно са спецыямі: імбір" адбылося спатканне з Адамам Глобусам і яго "Зваротнай перспектывай", а таксама з Людмілай Рублеўскай і яе "Дагератыпам":
• Падчас другой сустрэчы, 16 кастрычніка, у праграме "Віно са спецыямі: гваздзіка" адбылося знаёмства з Сяргеям Календай і яго "Падарожжам на край ложка", а таксама з Андрусём Горватам і яго кнігай "Радзіва Прудок" (на жаль, Андрусь адсутнічаў у краіне, таму яго прадставіў выдавец Іван Кобзік):
• Падчас трэцяй сустрэчы, 25 кастрычніка, у праграме "Віно са спецыямі: цынамон" адбылося спатканне са Змітром Бартосікам, Валерам Гапеевым, Аляксеем Талстовым ды з іх творамі.

Глядзіце відэазапіс анлайн-трансляцыі цырымоніі ад Радыё "Свабода":

У журы прэміі сёлета увайшлі: Міхась Андрасюк, Раіса Баравікова, Альгерд Бахарэвіч, Алена Брава, Павел Касцюкевіч, Ціхан Чарнякевіч.

Прэмія імя Ежы Гедройца ўручаецца з 2012 года. Яна даецца за найлепшую кнігу мастацкай прозы, выдадзеную ў мінулым годзе. Аўтар кнігі, якая заняла трэцяе месца, атрымае двухтыднёвы творчы адпачынак у Берлінскім літаратурным калоквіуме; другое — творчую стыпендыю ў Доме творчасці пісменнікаў на выспе Готланд у Швэцыі; пераможца прэміі — чэк на 5000 еўра.

Папярэднія пераможцы прэміі:

• Павал Касцюкевіч — з кнігай "Зборная РБ па негалоўных відах спорту" (2012);
• Уладзімір Някляеў — з кнігай "Аўтамат з газіроўкай з сіропам і без" (2013);
• Ігар Бабкоў — з кнігай "Хвілінка: Тры гісторыі" (2014);
• Віктар Казько — з кнігай "Час збіраць косці" (2015);
• Макс Шчур — з кнігай "Завяршыць гештальт" (2016).