"Віно са спецыямі: цынамон" — сустрэча з намінантамі прэміі Гедройца-2017 (Відэа)

Падчас першай сустрэчы, 11 кастрычніка, у межах праграмы "Віно са спецыямі: імбір" адбылося спатканне з Адамам Глобусам і яго "Зваротнай перспектывай", а таксама з Людмілай Рублеўскай і яе "Дагератыпам".

Падчас другой сустрэчы, 16 кастрычніка, у праграме "Віно са спецыямі: гваздзіка" адбылося знаёмства з Сяргеям Календай і яго "Падарожжам на край ложка", а таксама з Андрусём Горватам і яго кнігай "Радзіва Прудок" (на жаль, Андрусь адсутнічаў у краіне, таму яго прадставіў выдавец Іван Кобзік).

25 кастрычніка ў межах жывой трансляцыі на Blog-Tv Trixter адбылося трэцяе (і апошняя) спатканне — са Змітром Бартосікам, Валерам Гапеевым, Аляксеем Талстовым ды з іх творамі.

Нагадаем, цырымонія надання літаратурнай прэміі імя Ежы Гедройца адбудзецца 31 кастрычніка, у аўторак, у памяшканні культурнай прасторы ОК16 (Мінск, вул. Кастрычніцкая, 16). Пачатак а 19-й гадзіне.