BE RU EN
rss facebook twitter

Як мы ўплываем на клімат? (Фота і аўдыё)

10.07.2017 Алена Вільтоўская, Беларускае Радыё Рацыя, фота — аўтара
Як мы ўплываем на клімат? (Фота і аўдыё)
Вядучыя эксперты ў галіне клімата і энергетыкі сабраліся на адкрытай лекцыі-дыскусіі ў Мінску, каб абмеркаваць, як змяняецца клімат і якую ролю ў гэтым працэсе адыгрывае дзейнасць чалавека.

6 ліпеня ў мінскай прасторы "Event space" прайшла публічная лекцыя-дыскусія "Клімат змяняецца. Ці змяняемся мы?" Спікерамі на сустрэчы выступілі геафізік і кіраўнік праекта "Клімат ды энергетыка" WWF Расіі Аляксей Какорын ды старшыня Працоўнай групы па пытаннях зменаў клімата Расійскага саюза прамыслоўцаў і прадпрымальнікаў Міхаіл Юлкін.

Арганізатарамі дыскусіі аб клімаце выступілі таварыства "Зялёная сетка", Лятучы універсітэт, Пасольства Францыі ў Рэспубліцы Беларусь і праект "Навука не ў сабе".

Пасол Францыі ў Беларусі Дзідзье Канес

Аляксей Какорын

Аляксей Какорын назваў тры асноўныя напрамкі ўплыву чалавека на клімат:

"Уплыў чалавека на клімат пачаўся каля 100-120 гадоў таму. Найбольш моцны ён апошнія 40 гадоў. І тут у нас ёсць тры эфекты нябачная няўзброеным вокам. Гэта вельмі важна, што няўзброеным вокам мы наогул не заўважаем гэтых акалічнасцей. Па-першае, гэта рост канцэнтрацыі СО2 (вуглякіслага газу) літаральна за апошнія 50 гадоў, максімум 100. Чаму гэты рост з-за чалавека? З-за спальвання вуглю, нафты і газу. Па-другое, награваецца верхні пласт акіяна. А калі павялічваецца тэмпература акіяна — у нас адназначна глабальнае пацяпленне. Трэці эфект, якога таксама не бачна, — стратасфера астуджаецца, плёнка становіцца таўсцейшай. Гэта т.зв. "парніковы эфект".

Міхаіл Юлкін

У сваю чаргу, выступаючы з лекцыяй Міхаіл Юлкін прывёў прыклады таго, як бізнес можа змяняць свае стратэгіі і выкарыстоўваць аднаўляльныя крыніцы энергіі, якія становяцца трэндам па ўсім свеце. Ён таксама падкрэсліў адмоўны ўплыў на развіццё зялёнай энергетыкі ЗША рашэння Дональда Трампа выйсці з Парыжскага пагаднення аб клімаце. Супраць гэтага кроку выказаліся міжнародныя экалагічныя арганізацыі, а таксама і бізнес-супольнасць.

Кіраўнік Цэнтра экалагічных рашэнняў Яўген Лабанаў адзначае, што зменшыць шкодны ўплыў на наваколле можа кожны, калі асэнсавана зменіць свае штодзённыя звычкі:

"Просты спосаб зразумець свой уплыў на клімат — гэта зазірнуць у сметніцу. Колькасць адходаў, якая ў вашай сям’і з’яўляецца штодня, і тое, што вы з імі робіце, і ёсць паказчыкам вашага ўплыву на клімат і наваколле. Калі сярэднестатыстычны чалавек паглядзіць у сваю сметніцу цягам тыдня, то ён заўважыць, што большая частка смецця — гэта пластык. А другая вялікая частка — гэта побытавыя арганічныя адходы: рэшткі садавіны, гародніны, недаедзеныя прадукты харчавання. Усё гэта пасля трапляе на вялікія сметнікі і правакуе выкіды парніковых газаў. Калі пры гэтым мы не сартыруем смецце, то мы ўсё наўпрост адпраўляем на звалку. Калі ж мы займаемся раздзельным зборам смецця, прынамсі частку гэтых рэсурсаў і энергіі мы вяртаем у прыродны цыкл".

Вугляродны падатак, росквіт узнаўляльнай энергетыкі і "нейтральныя" гарады — такія змены распачаліся і мусяць у хуткім часе адбыцца ў многіх краінах, якія ратыфікавалі Парыжскае пагадненне аб клімаце. Беларусь — адна з краін, якая таксама падпісала гэты дакумент. Не гледзячы на гэты пазітыўны крок, застаецца шмат нявырашаных экалагічных праблем, якія будуць мець і кліматычныя наступствы. У тым ліку вялікую занепакоенасць эколагаў выклікае будаўніцтва Астравецкай АЭС.

Каардынатар таварыства "Зялёная сетка" Яраслаў Бекіш

Падрабязней пра мерапрыемства ў далучаным файле:

Беларускае Радыё Рацыя

Владимир Мацкевич: Продолжаем Думать Беларусь!
Свой взгляд
Владимир Мацкевич: Продолжаем Думать Беларусь!
22.05.2020 Владимир Мацкевич, философ и методолог

Пора валить! Знаю — кого и знаю — куда.

Владимир Мацкевич: В стране нет аналитики
Свой взгляд
Владимир Мацкевич: В стране нет аналитики
11.05.2020 Владимир Мацкевич, философ и методолог

В стране нет аналитики. Ни в политике, ни в экономике, ни в культуре.

Владимир Мацкевич: В смутные времена лидерами общественного мнения должны быть философы
Свой взгляд
Владимир Мацкевич: В смутные времена лидерами общественного мнения должны быть философы
06.05.2020 Владимир Мацкевич, философ и методолог

Все новые общественные движения и революции начинаются с серьезного отношения активных и деятельных граждан к тому, что говорят современные им философы.

Оксана Шелест: Про ситуацию с COVID-19 в Беларуси правды не знает даже Минздрав (Видео и аудио)
О нас в медиа
Оксана Шелест: Про ситуацию с COVID-19 в Беларуси правды не знает даже Минздрав (Видео и аудио)
24.04.2020 Belsat.eu

Пандемия коронавирусной инфекции — касается не только Беларуси, поэтому при всем желании власти не могут скрывать положение вещей в стране от всего мира.

Чым можна ахвяраваць дзеля здароўя грамадзян? (Відэа і аўдыё)
Свой взгляд
Чым можна ахвяраваць дзеля здароўя грамадзян? (Відэа і аўдыё)
08.04.2020 Belsat.eu

Ніколі ў апошнія гады пытанні медыцыны і біяэтыкі не стаялі гэтак востра, як у разгар пандэміі каронавіруса.

Видео