Воскресенье 28 мая 2017 года | 07:58
  • бел / рус
  • eng

Аляксандр Тамковіч: Для мяне краўдфандынгавая кампанія – як лакмусавая паперка

28.04.2017  |  Общество   |  Яўгенія Бурштын, ЕўраБеларусь,  
Аляксандр Тамковіч: Для мяне краўдфандынгавая кампанія – як лакмусавая паперка talaka.by

Журналіст распачаў збор сродкаў, каб выдаць унікальную кнігу пра сучасных беларускіх творцаў.

Вы можаце сабе ўявіць узнёслага мастацтвазнаўцу Сяргея Харэўскага ў ролі пекара? А рок-князёўну Касю Камоцкую, якая з новаспечаным мужам Алесем Камоцкім кідае гасцей на ўласным вяселлі і наўпрост у шлюбнай сукенцы імчыць у Піцер? А дэпутатку Палаты Прадстаўнікоў Алену Анісім – маленькай дзяўчынкай, якая да такой ступені любіць катацца на каньках, што выкарыстоўвае для гэтага любую прыдатную (і не вельмі) коўзанку? Ну ці барда-летуценніка Змітра Вайцюшкевіча, які прадае крышталь на Камароўцы?.. Вось з такіх, здавалася б, не заўсёды спалучальных кавалачкаў і складаецца мазаіка чалавечага жыцця. Вядомы журналіст Аляксандр Тамковіч ужо амаль склаў гэты пазл, а зрабіць карціну поўнай прапануе будучым чытачам сваёй новай кнігі “Мазаіка жыцця”. Для гэтага ён запусціў краўдфандынгавую кампанію на “Талацэ” і за месяц спадзяецца сабраць на выданне кніжкі амаль 6 000 рублёў.

– Для мяне краўдфандынгавая кампанія – як лакмусавая паперка, каб убачыць, хто ёсць хто. У мяне ў “Фэйсбуку” амаль 3000 сяброў. Калі б хаця б кожны з іх даў па адным долары, пытанне было б вырашана, – дзеліцца журналіст з карэспандэнтам Службы інфармацыі “ЕўраБеларусі”.

Раней Аляксандр Тамковіч заўсёды казаў, што прынцыпова не камерцыяналізуе свае кнігі, не прадае іх, а дорыць. Але сітуацыя склалася такім чынам, што за некалькі гадоў пошукаў так і не атрымалася знайсці спонсараў, якія б дапамаглі з выданнем “Мазаікі”. Кінуць жа праект аўтар лічыць немагчымым.

– На 18 сваіх кніжках (а калі лічыць пераклады, то на 23) разам я зарабіў менш, чым некаторыя зарабляюць на адной. У свой час для мяне важна было нават не зрабіць кніжку, а вярнуцца “ў абойму” пасля хваробы, – прызнаецца суразмоўца.

Зрэшты, каштоўнасці будучай кнізе надае якраз тое, што людзі самі ахвяруюць на яе грошы з уласных гаманцоў, а не атрымліваюць дзякуючы замежным грантам.

Краўдфандынгавая кампанія – толькі пачатак цэлага праекту, у межах якога плануецца выдаць як мінімум дзве энцыклапедыі (аўтар называе іх “мазаікамі”), а таксама запусціць сайт, прысвечаны выбітным беларускім дзеячам, імёны якіх рэдка можна ўбачыць у афіцыйных выданнях. Ужо гатовы 30 інтэрв’ю для першай кнігі, куды плануецца змясціць каля 40 гутарак і 200 унікальных фотаздымкаў з архіваў герояў. Чытачоў чакаюць споведзі, разгорнутыя нарысы, творчыя шляхі, якія ўпершыню выводзяцца ў публічную прастору. Сярод суразмоўцаў Аляксандра Тамковіча – музыкі Зміцер Вайцюшкевіч, Ігар Варашкевіч, Іван Кірчук, Алег Хаменка, Кася і Алесь Камоцкія; скульптар Генік Лойка; гісторык Наталля Гардзіенка; мастакі Генадзь Драздоў і Алесь Пушкін; пісьменнікі Барыс Пятровіч і Віктар Марціновіч; паэт Андрэй Хадановіч; кінарэжысёры Андрэй Кудзіненка і Андрэй Курэйчык; культоралагі Юлія Чарняўская і Сяргей Харэўскі; апантаныя змагаркі за беларускую мову Алена Анісім  і Ніна Шыдлоўская...

Адметна, што новая кніжка журналіста – без палітыкаў, бо да многіх з іх у аўтара “ёсць пытанні”. Хоць і пра палітычных дзеячаў Аляксандр Тамковіч таксама пісаў у ранейшых выданнях. Як аднойчы трапна зазначыў гісторык-архівіст Зміцер Дрозд, кніжкі Тамковіча – адзінае месца, дзе апазіцыя можа аб’яднацца.

З культурнымі дзеячамі сітуацыя крыху іншая. Па-першае, усе яны так ці іначай – рэдкія персоны ў дзяржаўных СМІ, тым больш іх імёны не змяшчаюць у энцыклапедыі. Ім не даводзіцца змагацца за месца ў афіцыйнай культурнай прасторы, таму яны, хутчэй, калегі, чым супернікі. А па-другое, асобы, гутаркі з якімі Аляксандр Тамковіч плануе змясціць у кнігах, шмат чаго зрабілі ў сваёй галіне, усе яны так ці іначай – “зоркі”.

– Усіх змясціць пад адну вокладку цяжка, ясна, што кніжка будзе не адна. Мне хацелася б бачыць у наступнай кніжцы таго ж Вольскага.

Хоць Аляксандр Тамковіч не лічыць сябе пісьменнікам, але стварае свае кнігі ў жанры нон-фікшн, непрыдуманай літаратуры, за працу ў якім Святлана Алексіевіч атрымала Нобелеўскую прэмію. На думку Тамковіча, вельмі важна запісаць і захаваць сведчанні вядомых сучаснікаў, каб пасля можна было прачытаць, дзе праўда і як было насамрэч. А было шмат цікавага, аўтар прызнаецца, што падчас працы над кнігай усе яго героі паказалі сябе з нечаканых бакоў і моцна ўразілі.

Артр Клінаў расказваў, як яго пасля архітэктурнага факультэта размеркавалі ў Зэльву. Ён вырашыў зрабіць “першы перформанс у сваім жыцці”: уставіў завушніцу ў вуха, начапіў на грудзі крыж, і з доўгімі валасамі і ў нагавіцах-клёш прыйшоў да галоўнага архітэктара Зэльвы. І сказаў: “Мяне прызначылі на ваша месца, дайце мне адмацаванне”. Так Артур Клінаў атрымаў адмацаванне. Ці Кася і Алесь Камоцкія: распісаліся ды кажуць гасцям на вяселлі: “Вы тут без нас святкуйце, а ў нас квіткі ў Піцер”. І Кася паляцела туды ў шлюбнай сукенцы.

Зміцер Вайцюшкевіч расказваў, як у 1990-я прадаваў крышталь. Ён родам з Бярозаўкі, там у любую хату зайдзі і можаш купіць крышталь. Каля Камароўкі было “поле цудаў”, і Вайцюшкевіч вырашыў рабіць бізнес. Расклаў там свой крышталь, падыйшлі нейкія хлопцы, пытаюцца, колькі каштуе. А Вайцюшкевіч ім: “Хлопцы, калі будзеце браць два камплекты, зраблю зніжку”. Тады яны яму паказалі корачкі і забралі ў міліцыю – больш Вайцюшкевіч бізнесам не займаўся.

Іван Кірчук распавядаў, як малым хадзіў у касцёл у Лідзе, а ля ўваходу дзяжурылі камсамольцы, якія пасля дакладвалі настаўнікам, хто хадзіў маліцца. А Сяргей Харэўскі з забяспечанай сям’і ў 16 год вырашыў з сябрамі з’ездзіць у вандроўку на Каўказ і прыйшоў да бацькоў прасіць грошы. А бацька кажа: “Ідзі зарабі”. Харэўскага ўладкавалі на хлебазавод, дзе той працаваў па начох і за змену ў яго на руках згаралі тры пары пальчатак. З тых часоў мастацтвазнаўца глядзець не можа на булачкі.

Такія гісторыі ёсць у кожнага суразмоўцы Аляксандра Тамковіча, і імі ён дзеліцца ў сваёй “Мазаіцы жыцця”. Фундатары (у залежнасці ад сумы ахвяравання) змогуць атрымаць яе ў падарунак, плюс прадугледжаны дадатковыя бонусы. Таксама плануецца, што кніжку можна будзе  набыць у кнігарнях (праўда, ужо не па сабекошце), аднак няма гарантый, што яе не забароняць для продажу ў дзяржаўных кніжных крамах.

Раней Аляксандр Тамковіч сумесна з Міжнародным кансорцыюмам “ЕўраБеларусь” выдаў дзве свае кніжкі – “Арытмія” і “Найноўшая гісторыя ў асобах”.

Прапануем дапамагчы ў зборы сродкаў на выданне кніжкі тут

Другие новости раздела «Общество»

Интеллектуалы из гетто
Интеллектуалы из гетто
Интервью философа и методолога Владимира Мацкевича украинскому изданию «Фокус».
Андрэй Ягораў: Захады Украіны супраць расійскай прапаганды – стрэл у нагу самому сабе
Андрэй Ягораў: Захады Украіны супраць расійскай прапаганды – стрэл у нагу самому сабе
Забарона расійскіх сацсетак і георгіеўскай стужкі не вырашае праблемы, але абмяжоўвае свабоду, фундаментальныя правы чалавека і дэмакратыю.
Иван Веденин: Зачем «снимать ведро с головы» и как научиться видеть будущее?
Иван Веденин: Зачем «снимать ведро с головы» и как научиться видеть будущее?
Для этого нужно... сыграть. Именно в таком состоянии актуального мышления, как организационно-деятельностная игра (ОДИ), могут открыться перспективы развития корпорации, страны, человечества.
Даследаванне Lawtrend: Беларускія суды не размаўляюць у Сеціве па-беларуску
Даследаванне Lawtrend: Беларускія суды не размаўляюць у Сеціве па-беларуску
Як спадзяюцца даследчыкі, Вярхоўны суд, сайт якога плануецца зрабіць агульным парталам для ўсёй судовай сістэмы, улічыць рэкамендацыі, распрацаваныя Цэнтрам прававой трансфармацыі.
Память о войне
Память о войне
В годы моего детства все взрослые помнили войну. Собственно, взрослыми и были те, кто помнили.
Таццяна Вадалажская: Мы намагаемся адчуць сябе гаспадарамі горада, бо ў нас гэтага адчування няма
Таццяна Вадалажская: Мы намагаемся адчуць сябе гаспадарамі горада, бо ў нас гэтага адчування няма
Чаму архітэктура Мінска становіцца аб’ектам крытыкі, якія задачы спрабуе вырашыць урбаністыка і якія праблемы стаяць за “правам на горад”?
Электронный бюллетень Центра правовой трансформации "LawtrendMonitor", # 4, 2017
Электронный бюллетень Центра правовой трансформации "LawtrendMonitor", # 4, 2017
Перед вами четвертый выпуск электронного бюллетеня LawtrendMonitor за 2017 год.
Чернобыльский телемарафон на Blog-TV Trixter (Видеозапись эфира от 26 апреля 2017 года)
Чернобыльский телемарафон на Blog-TV Trixter (Видеозапись эфира от 26 апреля 2017 года)
4-часовая попытка осознания современной проблематики Чернобыля.
Аляксандр Тамковіч: Для мяне краўдфандынгавая кампанія – як лакмусавая паперка
Аляксандр Тамковіч: Для мяне краўдфандынгавая кампанія – як лакмусавая паперка
Журналіст распачаў збор сродкаў, каб выдаць унікальную кнігу пра сучасных беларускіх творцаў.
Топ ярких цитат Владимира Мацкевича: о чем рассказал философ гомельчанам (Фото)
Топ ярких цитат Владимира Мацкевича: о чем рассказал философ гомельчанам (Фото)
19 апреля в Гомеле в рамках «Городских собраний ГДФ» с лекцией «(НЕ)зависимая Беларусь» выступил философ и методолог Владимир Мацкевич.
Информированность беларусов об онкологических заболеваниях
Информированность беларусов об онкологических заболеваниях
Уже довольно давно специалистам стало понятно, что онкологические заболевания требуют особого подхода, который не исчерпывается чисто медицинскими мероприятиями.
Праваабаронцы: Выдварэнне Алены Танкачовай з краіны – палiтычна матывавана
Праваабаронцы: Выдварэнне Алены Танкачовай з краіны – палiтычна матывавана
Пазбаўленне вядомай праваабаронцы права на ўезд у Беларусь цягам трох гадоў і адмова скарачэння гэтых тэрмінаў маюць палітычны падтэкст.
Обучение за рубежом: первые участники Erasmus+ делятся опытом и советами
Обучение за рубежом: первые участники Erasmus+ делятся опытом и советами
Программы Европейского Союза для беларусской молодежи открывают сегодня много возможностей учиться за рубежом. Как это работает, кто и с какими впечатлениями возвращается на родину?
Вольга Смалянка: Беларусь рэдка ідзе на вырашэнне пытанняў у плоскасці палітычных правоў
Вольга Смалянка: Беларусь рэдка ідзе на вырашэнне пытанняў у плоскасці палітычных правоў
Калі раней Беларусь спрабавала сыйсці ў галіну сацыяльных правоў і давала справаздачу па іх, цяпер такой магчымасці няма, бо зададзены канкрэтныя палітычныя пытанні.
"Дело "Белого легиона". Мы не должны молчать!
"Дело "Белого легиона". Мы не должны молчать!
У каждого человека в биографии найдется воспоминание о группе, коллективе, сообществе, которые оставили след на всю жизнь.
Мірныя сходы: ніякіх дазволаў, толькі паведамленні
Мірныя сходы: ніякіх дазволаў, толькі паведамленні
Як павінны дзейнічаць арганізатары акцый, улады і праваахоўнікі? Праваабаронцы ў Мінску абмеркавалі праблему свабоды сходаў і прапанавалі змены ў заканадаўства.
Слова як зброя: літаратары, філосафы і музыкі падтрымалі зняволеных патрыётаў (Фота і відэа)
Слова як зброя: літаратары, філосафы і музыкі падтрымалі зняволеных патрыётаў (Фота і відэа)
У кнігарні “ЛогвінаЎ” адбыўся інтэлектуальны марафон салідарнасці “РАЗАМ” з беларусамі, затрыманымі па так званай “справе патрыётаў”.
Антон Астаповіч: Пытанне мемарыяла ў Курапатах аўралам вырашыць не ўдасца
Антон Астаповіч: Пытанне мемарыяла ў Курапатах аўралам вырашыць не ўдасца
Улады гатовыя да дыялогу адносна мемарыялізацыі ўрочышча, а пераглядаць ахоўныя зоны не мае сэнсу.
Белорусы отмечают Пасху
Белорусы отмечают Пасху
В 2017 году дни празднования по Григорианскому и Юлианскому календарю совпадают, поэтому христиане всех конфессий отмечают Пасху одновременно 16 апреля.
Хто і як у Беларусі засвойвае "заходнія грошы" (Аўдыё)
Хто і як у Беларусі засвойвае "заходнія грошы" (Аўдыё)
На хвалях Радыё "Свабоды" абмяркоўваем, наколькі эфектыўная заходняя дапамога для Беларусі, хто бярэ пад кантроль "заходнія грошы" і ці зменяць рэпрэсіі ўладаў характар заходняй дапамогі.
Андрэй Ягораў: Беларусь можа апынуцца ў “статку чорных авечак”

Незалежныя эксперты па маніторынгу Балонскага працэса бачаць сэнс у працягу Дарожнай карты рэфармавання вышэйшай адукацыі для нашай краіны, але з узмацненнем яе ўмоваў.

Информированность беларусов об онкологических заболеваниях

Уже довольно давно специалистам стало понятно, что онкологические заболевания требуют особого подхода, который не исчерпывается чисто медицинскими мероприятиями.

Интеллектуалы из гетто

Интервью философа и методолога Владимира Мацкевича украинскому изданию «Фокус».

Память о войне

В годы моего детства все взрослые помнили войну. Собственно, взрослыми и были те, кто помнили.