У Мінску затрымалі Змітра Дашкевіча і Арцёма Леўчанку, Сяргей Пальчэўскі таксама знік

"Затрымалі Зьмітра і Арцёма. Яны ставілі кухню ў шматпаважаных Арловых Уладзіміра і Валянціны. Замовілі ежу для сябе з дастаўкай, але замест піццы ўварваліся міліцыя ў штацкім. Пальчэўскі Сяргей у гэты час ездзіў на нашай машыне за неабходнымі інструмантамі, пад'язджаючы да кватэры яго хацелі затрымаць. Відаць, ён вырашыў не выходзіць з машыны. У машыны разбіта бакавое шкло, машына раскрыта, Сяргея няма. Гарыце вы ўсе ў аду, таварышы", - напісала Наста Дашкевіч.

Сведкай затрымання была паэтка Валянціна Аксак. Паводле яе, Змітра Дашкевіча затрымалі людзі ў масках на вуліцы Карла Маркса ў Мінску. Затрыманага Дашкевіча і яго калегу Леўчанку вялі са звязанымі рукамі, піша Радыё Свабода.