У Таліне праходзіць Форум грамадзянскай супольнасці Усходняга партнёрства

Галоўная мэта форума — умацаванне пазіцыі арганізацый грамадзянскай супольнасці краін Усходняга партнёрства, якія разам з грамадскімі арганізацыямі краін Еўрасаюза вызначаюць будучыню ініцыятывы, паведамляе Радыё "Свабода".

Удзельнікі форума абмяркоўваюць вынікі працы грамадскага сектара, а таксама перспектывы развіцця. Дыскусіі праходзяць па тэмах: бізнес, правы чалавека і дэмакратыя ў краінах Усходняга партнёрства, гендэрная роўнасць, узаемадзеянне недзяржаўных арганізацый і ўрада, пагрозы навакольнаму асяроддзю.

Беларусь на форуме прадстаўляюць: генеральны дырэктар Міжнароднага кансорцыума "ЕўраБеларусь" Улад Вялічка, які ў цяперашні час з’яўляецца нацыянальным каардынатарам ФГС УП па Беларусі, праваабаронца Алесь Бяляцкі, старшыня Беларускай асацыяцыі журналістаў Андрэй Бастунец, навуковы дырэктар Даследчага цэнтра ІПМ Ірына Тачыцкая ды іншыя грамадскія дзеячы.

Ад уладаў Беларусі заяўлены намеснік міністра замежных спраў Алег Краўчанка і кіраўнік дэпартамента еўрапейскага супрацоўніцтва МЗС Андрэй Бушыла.

9-я штогадовая асамблея Форума грамадзянскай супольнасці Усходняга партнёрства праходзяць у Таліне ў рамках старшынства Эстоніі ў Савеце Еўрапейскага Саюза.

Саміт Усходняга партнёрства адбудзецца 24 лістапада ў Бруселі.

У Прадстаўніцтве ЕС у Мінску заявілі, што Беларусь запрошана да ўдзелу ў Саміце Усходняга партнёрства ў Бруселі такім жа чынам, як і іншыя краіны-удзельнікі ініцыятывы "Усходняе партнёрства" і краіны Еўрапейскага Саюза: запрашэнне адрасавана кіраўніку дзяржавы.

Напярэдадні чатырох мінулых самітаў Усходняга партнёрства ЕС ясна даваў зразумець, што на іх не чакаюць Лукашэнку, які кіруе Беларуссю шмат гадоў і якога называлі "апошнім дыктатарам Еўропы".

На апошнім такім саміце, які праходзіў у Рызе ў 2015 годзе, Мінск прадстаўляў міністр замежных спраў Уладзімір Макей.

Чытайце па тэме:

• Чаму саміт Усходняга партнёрства пройдзе ў Бруселі, а не ў Таліне

• Улад Вялічка: Усходняе партнёрства ператварылася ў праект-кампраміс

• Поедет ли Лукашенко в Брюссель на саммит Восточного партнерства?

• Кіраўнік "ЕўраБеларусі" патлумачыў, чаму ЕС чакае Лукашэнку ў Бруселі (Відэа)

• Андрей Егоров: Беларусь возглавила авторитарный реванш в регионе