Пятница 22 сентября 2017 года | 23:48
  • бел / рус
  • eng

Андрэй Ягораў: Цяпер любыя вучэнні з удзелам Расіі асацыююцца з агрэсіўнымі планамі Масквы (Аўдыё)

16.06.2017  |  Политика   |  Віталь Цыганкоў, Радыё «Свабода»,  
Андрэй Ягораў: Цяпер любыя вучэнні з удзелам Расіі асацыююцца з агрэсіўнымі планамі Масквы (Аўдыё)

Ці могуць беларуска-расійскія вайсковыя вучэнні «Захад-2017» стаць чыннікам дэстабілізацыі ў беларуска-заходніх стасунках?

Ці ўдасца Мінску падтрымаць свой імідж «донара стабільнасці» ў рэгіёне? Ці могуць расійскія войскі застацца ў Беларусі пасля гэтых вучэнняў? Як можна параўнаць маштабы гэтых вучэнняў з папярэднімі?

Гэтыя ды іншыя тэмы ў перадачы «Экспертыза Свабоды» абмяркоўваюць палітолагі Андрэй Ягораў і Арсень Сівіцкі. Вядзе перадачу Віталь Цыганкоў.

Віталь Цыганкоў: «Нягледзячы ні на які ціск, беларуска-расійскія вучэнні «Захад-2017» будуць праведзены маштабна і сур’ёзна», — заявіў 13 чэрвеня Аляксандр Лукашэнка на сустрэчы з кіраўнікамі абаронных ведамстваў дзяржаў-членаў АДКБ. «Вы выдатна ведаеце, што Беларусь і ў рамках «Саюзнай дзяржавы», і ў межах АДКБ адказная за заходні кірунак. Гэта зона адказнасці Беларусі, і ўся наша армія сканцэнтравана на гэта разам з Расійскай Федэрацыяй», — сказаў кіраўнік дзяржавы.

На якім міжнародным фоне пройдуць гэтыя вучэнні? Чаму суседзі Беларусі ў той ці іншай ступені выказваюць незадавальненне ў сувязі з гэтымі манёўрамі? Ці можа «Захад-2017» стаць чыннікам дэстабілізацыі ў беларуска-заходніх дачыненнях?

Андрэй Ягораў: Мне падаецца, што гэтая тэма надта шмат мусіруецца апошнім часам. Тое, што адбываецца, не надта адрозніваецца ад ранейшых вучэнняў і ад ранейшых рэакцый суседзей Беларусі. Адзінае, што мяняецца — гэта геапалітычны кантэкст, агрэсіўныя паводзіны Расіі ў рэгіёне. Таму любыя вучэнні з удзелам Расіі цяпер асацыююцца з агрэсіўнымі планамі Масквы і, адпаведна, выклікаюць занепакоенасць і нервовую рэакцыю з боку найперш Літвы. Але я не думаю, што гэта нясе нешта крытычна новае і нейкім чынам можа паўплываць на стасункі Беларусі з суседзямі і Захадам у цэлым.

Віталь Цыганкоў: Новым чыннікам ёсць украінская рэакцыя — выказванні некаторых украінскіх палітыкаў, пікеты супраць гэтых вучэнняў. Вядома, прэзідэнт Парашэнка сам нічога крытычнага не выказваў. Але раней ва Украіне такія вучэнні нікога не краналі, цяпер, з «новым геапалітычным кантэкстам», яны выклікаюць занепакоенасць і там.

Андрэй Ягораў: Думаю, гэта не паўплывае на беларуска-украінскія дачыненні. Гэта проста адзнакі істэрыі, якая назіраецца паўсюль. Самі вучэнні нічога не змяняюць, і ўсё супакоіцца, як толькі яны скончацца і войскі вярнуцца ў месцы сваёй дыслакацыі. Гэта не паўплывае на беларуска-украінскія адносіны, бо іхная прагматыка ляжыць зусім у іншай плашчыні.

Віталь Цыганкоў: Арсень, вось Андрэй ужыў выразы «мусіруецца» і «істэрыя». Вы якраз адзін з тых аналітыкаў, які вельмі шырока і часта ўздымаў у СМІ пытанне гэтых вучэнняў. Чым абгрунтаваная такая занепакоенасць?

Арсень Сівіцкі: Гэта занепакоенасць апраўдана цалкам, бо звязана з той агрэсіўнай замежнапалітычнай лініяй, якую праводзіць сёння Крэмль не толькі ў дачыненні Украіны, але і Беларусі. Ад 2015 года Крэмль робіць намаганні, каб усталяваць на тэрыторыі Беларусі сваю ваенную прысутнасць. У 2015 годзе гэта не атрымалася, калі Пуцін ужо выдаў распараджэнне размясціць у Беларусі авіябазу.

Таму, безумоўна, занепакоенасць звязана з тым, што стратэгічнай мэтай Масквы ёсць пераўтварэнне Беларусі ў вайскова-палітычны плацдарм Расіі. Расійскі бок у канцы 2016 года (калі яшчэ вучэнні «Захад-2017» не планаваліся дэталёва) апублікаваў дадзеныя лагістыкі, якія не адпавядалі дадзеным беларускага боку. Удзел трох тысяч расійскіх вайскоўцаў не патрабаваў 4 тысяч вагонаў.

Віталь Цыганкоў: Дыскусія пра гэтыя 4 тысячы вагонаў ідзе даволі даўно, што вядома на цяперашні момант?

Арсень Сівіцкі: Афіцыйныя звесткі былі агучаны міністрам абароны Беларусі, і цяпер вядома, што тэхнічныя параметры вучэнняў не будуць адрознівацца ад параметраў «Захад-2013». Але тыя лагістычныя дадзеныя сведчылі, што Расія планавала правесці маштабную перадыслакацыю сваіх войск. І гэтыя планы не абмяркоўваліся з беларускім Міністэрствам абароны, гэта было сведчанне такога непаважлівага стаўлення Расіі да беларускага боку. Гэта нагадвала дзеянні Крамля ў 2015 годзе, калі Пуцін падпісаў распараджэнне аб стварэнні авіябазы, не спытаўшы беларускага дазволу.

Цяпер відавочна, што беларускі бок настаяў на сваёй пазіцыі наконт таго, як гэтыя вучэнні будуць праходзіць і які мець сцэнарый.

Віталь Цыганкоў: Атрымліваецца, што ў беларускай грамадскасці, у заходніх суседзей былі абгрунтаваныя прычыны хвалявацца за форму правядзення гэтых вучэнняў? Ці, можа, гэта нармальная палітычная барацьба, імкненне падарваць імідж беларускіх уладаў? Ці ўдасца Мінску падтрымаць свой імідж «донара стабільнасці» ў рэгіёне?

Андрэй Ягораў: Ці ўдасца Мінску падтрымаць гэты міф «донару стабільнасці»? Бо я лічу, што за іміджам нічога рэальнага не стаіць. Я думаю — так. Бачым, што беларускаму боку ўдалося ўлагодзіць гэтую сітуацыю, вучэнні пройдуць паводле ўзгодненага з Мінскам сцэнарыя.

Сітуацыя, у пэўным сэнсе, раскручвалася наўмысна. Дзеля продажу на Захад істэрыі наконт таго, што: «Ах, Расія нас паглынае, цісне» — каб вымусіць Захад да больш лаяльнага стаўлення да Беларусі. Але фактычна такога страшнага ціску не было, — прынамсі, у тым аб’ёме, як гэта апісвалі некаторыя з экспертаў. Вядома, Расію часам заносіць — гэта было раней і будзе далей. Але Беларусь мае магчымасць захавання свайго частковага суверэнітэту. Пакуль што ўсё гэта не выходзіць за межы традыцыйных міждзяржаўных разборак.

Віталь Цыганкоў: Лукашэнка 13 чэрвеня таксама заявіў міністрам абароны краін АДКБ: «Мы запросім на вучэнні ўсіх сёння прысутных міністраў абароны, і не толькі. Гэтыя вучэнні адкрытыя. Няхай глядзяць на нашы магчымасці». А як наконт ідэі запрасіць на вучэнні прадстаўнікоў НАТА?

Арсень Сівіцкі: Пазіцыя беларускага кіраўніцтва ў тым, каб правесці гэтыя вучэнні максімальна празрыста для міжнароднай грамадскасці, перш за ўсё для нашых суседзей. Міжнародныя назіральнікі з гэтых краін будуць запрошаны. Таксама ёсць пазіцыя Аляксандра Лукашэнкі, што павінны быць запрошаны і прадстаўнікі НАТА. Проста звычайна за 50-60 дзён да пачатку вучэнняў пачынаецца працэс інфармавання міжнародных назіральнікаў — тэрмін яшчэ не падышоў.

Гэта якраз тая лінія Мінска, якая адпавядае курсу на рэгіянальнае донарства стабільнасці і бяспекі, праводзіць цалкам транспарэнтую і прадказальную вайсковую палітыку, каб не ўспрымацца міжнароднымі актарамі як агрэсіўны прыдатак Расіі. «Донарства бяспекі» ў тым, каб на тэрыторыі Беларусі не было расійскіх войск, і яны не могуць выкарыстоўваць нашу тэрыторыю дзеля нейкіх агрэсіўных мэтаў. І пакуль гэты статус-кво захоўваецца, Беларусь з’яўляецца партнёрам, з якім можна весці дыялог, прызнаваць вышэйшае кіраўніцтва Беларусі. Мінск максімальна зацікаўлены ў тым, каб гэтыя вучэнні прайшлі максімальна празрыста і без эксцэсаў.

Віталь Цыганкоў: На заканчэнне размовы ваш прагноз: ці застануцца (паспрабуюць застацца) расійскія вайскоўцы на тэрыторыі Беларусі пасля вучэнняў? Ці як прыйшлі, так і выйдуць?

Андрэй Ягораў: Вядома, яны сыйдуць, усё застанецца як раней. Няма ніякай небяспекі, што яны могуць тут застацца.

Арсень Сівіцкі: Калі ўсё будзе праходзіць паводле плана, расійскія войскі пойдуць пасля вучэнняў з тэрыторыі Беларусі. Бо ў беларускага кіраўніцтва на сёння няма ніякіх планаў, звязаных з усталяваннем расійскай прысутнасці на тэрыторыі Беларусі.

Але трэба разглядаць і крызісны сцэнарый. Калі адбудуцца нейкія правакацыі, звязаныя з дэстабілізуючай актыўнасцю нейкай праварадыкальнай арганізацыі, то гэта будзе падставай для расейцаў, каб тут застацца дзеля стабілізацыі ўнутрыпалітычнай сітуацыі. І гэта я зараз вам распавядаю сцэнарый вучэнняў «Захад-2015». То бок, мы ўсе зацікаўлены ў тым, каб цяперашнія вучэнні прайшлі максімальна планава і без нейкіх правакацый і пратэставай актыўнасці з боку грамадства.

Другие новости раздела «Политика»

Владимир Мацкевич: Идет борьба между группировками внутри режима, а страдают невиновные люди
Все главы государств — в ООН, Лукашенко — на военный полигон
Все главы государств — в ООН, Лукашенко — на военный полигон
Александр Лукашенко предпочел инспектировать военные учения "Запад-2017" на полигоне под Борисовом, а не продвигать официальные идеи Минска с трибуны ООН.
Андрэй Ягораў пра новую ініцыятыву Беларусі ў ААН: гэта не выпадковасць, існуе пэўная стратэгія
Андрэй Ягораў пра новую ініцыятыву Беларусі ў ААН: гэта не выпадковасць, існуе пэўная стратэгія
Мінск плануе правесці рэгіянальную канферэнцыю для нацыянальных каардынатараў ПРААН з Цэнтральнай і Усходняй Еўропы, а таксама СНД. Мяркуецца запрасіць адміністратара ПРААН Ахіма Штайнера.
Аўтапрабег пуцінцаў па Беларусі — спланаваная правакацыя? (Відэа)
Аўтапрабег пуцінцаў па Беларусі — спланаваная правакацыя? (Відэа)
З георгіеўскімі стужкамі і выявамі Пуціна. Аўтакалона з прапуцінскімі актывістамі напярэдадні ўвечары без дазволу праехала вуліцамі Мінска.
Правозащитнице Елене Тонкачевой вновь не разрешили досрочно вернуться в Беларусь
Правозащитнице Елене Тонкачевой вновь не разрешили досрочно вернуться в Беларусь
Судебная власть заняла сторону исполнительной власти, а не гражданского общества, представители которого требуют разрешить высланной из страны правозащитнице Елене Тонкачевой досрочно вернуться домой.
Владимир Мацкевич: До сегодняшнего дня мы не избавились в Беларуси от коммунистических мировоззрений
Владимир Мацкевич: До сегодняшнего дня мы не избавились в Беларуси от коммунистических мировоззрений
В том, что Конгресс исследователей Беларуси еще никогда не проводился на беларусской территории – в этом также виноват коммунизм.
"Inform Napalm" узняў пытанне лаяльнасці беларускіх службоўцаў да беларускай дзяржавы (Відэа)
"Inform Napalm" узняў пытанне лаяльнасці беларускіх службоўцаў да беларускай дзяржавы (Відэа)
Міжнародная выведніцкая супольнасць "Inform Napalm" абнародавала новы маніторынг "Беларусь — суверэнная дзяржава або пратэктарат Расіі?".
Міністэрства абароны хоча замаўчаць тэму Вейшнорыі (Відэа)
Міністэрства абароны хоча замаўчаць тэму Вейшнорыі (Відэа)
Гэтым разам брыфінг Міністэрства абароны абышоўся без гучных тэмаў, Вейшнорыю вайскоўцы не ўзгадвалі ўвогуле.
Андрэй Ягораў: Ажыятаж вакол "Захаду-2017" — інфармацыйная істэрыя
Андрэй Ягораў: Ажыятаж вакол "Захаду-2017" — інфармацыйная істэрыя
Заўтра пачынаюцца сумесныя расійска-беларускія ваенныя вучэнні, падрыхтоўка да якіх выклікала занепакоенасць не толькі ў Беларусі, але і сярод суседзяў.
Что происходит в Украине: как завершить Евромайдан
Что происходит в Украине: как завершить Евромайдан
Для нас, беларусов, Украина — важная страна. Многое из того, что происходит в Украине, отражается на Беларуси и наших внутренних дебатах о реформах в нашей стране.
Кремлевские "боты" потратили 100 тысяч долларов на рекламу в Фейсбуке (Видео)
Кремлевские "боты" потратили 100 тысяч долларов на рекламу в Фейсбуке (Видео)
Служба безопасности Фейсбука заявила, что Россия вероятнее всего использовала фейковые профили в экой соцчети для покупки политической рекламы.
Улад Вялічка: Усходняе партнёрства ператварылася ў праект-кампраміс
Улад Вялічка: Усходняе партнёрства ператварылася ў праект-кампраміс
Падчас дыскусіі аб перспектывах Усходняе партнёрства ў рамках "Мінскага дыялога" выступ Улада Вялічкі, генеральнага дырэктара Міжнароднага кансорцыума "ЕўраБеларусь", выбіваўся з агульнай канвы.
Эксперты о Восточном партнерстве: ЕС предлагает Ferrari там, где нужен болотоход
Эксперты о Восточном партнерстве: ЕС предлагает Ferrari там, где нужен болотоход
Какой путь прошла за восемь лет программа ЕС "Восточное партнерство" и какое у нее будущее, обсудили 7 сентября участники экспертной инициативы "Минский диалог".
Чаму саміт Усходняга партнёрства пройдзе ў Бруселі, а не ў Таліне
Чаму саміт Усходняга партнёрства пройдзе ў Бруселі, а не ў Таліне
Кіраўніцтва Еўрасаюза канчаткова вызначылася з датай і месцам правядзення чарговага, пятага па ліку, cаміта Усходняга партнёрства. Ён пройдзе 24 лістапада 2017 года ў Бруселі.
Што Макей рабіў у Будапешце?
Што Макей рабіў у Будапешце?
31 жніўня міністр замежных спраў Беларусі Уладзімір Макей удзельнічаў у сустрэчы кіраўнікоў знешнепалітычных ведамств краін-удзельнікаў ініцыятывы ЕС "Усходняе партнёрства" і Вышаградскай групы.
Минск назначает "смотрящих" за регионами
Минск назначает "смотрящих" за регионами
Кроме вертикали власти и "главных инспекторов" по областям и Минску в регионах будет действовать "уполномоченный представитель главы государства".
Владимир Мацкевич: Крайне низкий уровень образования не устраивает даже ретроградов
Владимир Мацкевич: Крайне низкий уровень образования не устраивает даже ретроградов
План Лукашенко—Карпенко вызовет вал бумажной работы и увеличение контролирующих органов.
Уладзімір Мацкевіч: Настаўнікі перагружаны марнай працай
Уладзімір Мацкевіч: Настаўнікі перагружаны марнай працай
Паводле экспертаў, пачынаць змены ў беларускай школе трэба з сістэмы кіравання адукацыяй.
Андрей Егоров об успехах "союзного строительства": Торгуем акциями любви — продаем поцелуи (Видео)
Андрей Егоров об успехах "союзного строительства": Торгуем акциями любви — продаем поцелуи (Видео)
"Союзное государство Беларуси и России" развивается как никогда ранее, хотя есть и откаты, заявил глава Беларуси в интервью телеканалу "Россия 24".
Игорю Комлику предъявлено обвинение, Геннадий Федынич — подозреваемый
Игорю Комлику предъявлено обвинение, Геннадий Федынич — подозреваемый
10 августа главному бухгалтеру профсоюза РЭП Игорю Комлику было предъявлено обвинение по ч. 2 ст. 243 Уголовного кодекса Беларуси — "уклонение от уплаты налогов в особо крупном размере".
«Повестка 50»: от антисолидарности к взаимодействию

Что мешает формировать локальные повестки по реализации прав людей с инвалидностью в беларусских городах: недостаток ресурсов или традиционализм и «антисолидарность» местных сообществ?

Взгляд беларусских правозащитников на правозащитную деятельность и вопросы сотрудничества

Представляем отчет по результатам исследования сектора правозащитных организаций и инициатив Беларуси.

Гражданское общество в Беларуси — вещь в себе

Имеющихся организаций "третьего сектора" крайне мало для такой страны, как Беларусь.