12 студзеня — «Камунікатыўныя стратэгіі добрасуседства». Анлайн-прэзентацыя даследаванняў

Policy & Politics

Падпісвайцеся на наш Telegram-канал «Думаць Беларусь»!

Падзеі лета-восені 2020 года змянілі Беларусь на ўсіх узроўнях, і калі мы кажам пра іх, нельга абмінуць тэму «суседскіх» чатаў і таго, як мы змянілі ўспрыманне нашых двароў. Аналізу гэтых з’яваў прысвечаныя два даследаванні, праведзеныя ўвосень 2020 года.

• «Права на горад» і практыкі гарадскога ўдзелу» (Алена Лебедева)

Якія асаблівасці гарадскога ўдзелу (яго тыповыя формы, найбольш папулярныя практыкі рэалізацыі, што спрыяе і перашкаджае «добрасуседскай» актыўнасці) і рэалізацыі «права на горад» існуюць у менчукоў і як яны змяніліся ўвосень — адказы на гэтыя пытанні было заклікана даць даследаванне, праведзенае сацыёлагам Аленай Лебедзевай сумесна з ініцыятывай «Добры горад». Даследаванне праводзілася ў два этапы восенню 2020 года: анлайн-апытанне і аналіз лакальных («дваравых») чатаў.

• «Лакальныя тэлеграм-групы (чаты) летам-восенню 2020 года: дынаміка актыўнасці і змест камунікацыі» (Аксана Шэлест)

Пра што размаўляюць і пра што дамаўляюцца ў «суседскіх» чатах, якую ролю яны адыгрываюць у арганізацыі пратэстнай актыўнасці, якія тэндэнцыі ў камунікацыі на лакальным узроўні можна заўважыць — на гэтыя пытанні адказвае даследаванне Цэнтра еўрапейскай трансфармацыі.

Гл. больш падрабязнасцей на старонцы мерапрыемства ў Фэйсбуку

Падпісвайцеся на наш Telegram-канал «Думаць Беларусь»: http://t.me/methodology_by!