Конкурс праектаў на мікрагранты па праграме “Развіццё грамадзянскай супольнасці ў рэгіёнах Беларусі”

15.02.2012

Чэшская няўрадавая арганізацыя “Чалавек у нядолі” (www.clovekvtisni.cz) распачынае прыняцце заявак на мікрагранты па праектах развіцця і падтрымкі грамадзянскай супольнасці і інфармаванасці аб мясцовых праблемах ў рэгіёнах Беларусі. 

Мэтамі праграмы з'яўляюцца: актывізацыя грамадскай дзейнасці ў рэгіёнах, далучэнне новых людзей да грамадскай дзейнасці.

Асаблівая ўвага будзе надавацца арыгінальнасці і навізне праектаў. Удзельнічаць у конкурсе могуць няўрадавыя арганізацыі, ініцыятыўныя групы і нефармальныя аб’яднанні.

Заяўкі на мікрагранты павінны адпавядаць наступным патрабаванням:

• Утрымліваць апісанне дакладнай мэты і мэтавай групы, а таксама даказ здольнасці арганізацыі дасягнуць мэт, названых у праекце.
• Заяўку можа падаць арганізацыя ці некалькі арганізацый, якія супрацоўнічаюць між сабой.
• Заяўка павінна ўтрымліваць інфармацыю аб ужо рэалізаваных праектах і іх спонсарах.
• Рэалізацыя і справаздачнасць праекта павінныя быць выкананыя да 30 чэрвеня 2012 года.
• Заяўкі прымаюцца на беларускай, рускай і англійскай мовах.

Апошні тэрмін падачы заявак: 3 сакавіка 2012 года.

Заяўку, складзеную паводле прыведзенага ніжэй дадатка “Апісанне праекта”, трэба даслаць на адрас электроннай пошты: lida.vackova@clovekvtisni.cz.

Дадатак: Апісанне праекта

I. Агульная інфармацыя:

1. Назва праекта.
2. Назва арганізацыі.
3. Кіраўнік праекта. Праектная група/Рэалізатары.
4. Кантактныя звесткі: адрас, электронная пошта, нумар тэлефона, Skype.
5. Рэгіён.
6. Сума гранта.
7. Раней рэалізаваныя праекты і іх спонсары.
8. Тэрмін рэалізацыі праекта.

II. Апісанне праекта (не болей за 2 нармаваных старонак у фармаце A4).

III. Мэта / Чаканыя вынікі / Мэтавая група (не болей за старонку ў фармаце A4).

IV. План дзеянняў / Часавы графік.

V. Каштарыс (паводле магчымасці ў фармаце Excel)