ЗША абвінавацілі Расію ў абвастрэнні сітуацыі ў Данбасе

В Украине

Пра гэта заявіў на брыфінгу прадстаўнік Дзярждэпартаменту Джон Кірбі, перадае Радыё Свабода. Ён, у прыватнасці, адзначыў, што толькі за апошнія два дні ў раёне Дэбальцава былі забітыя 6 украінскіх вайскоўцаў і больш за 30 былі параненыя ў выніку спробы прарасійскіх сепаратыстаў захапіць дадатковую тэрыторыю Украіны. Гэта, паводле яго, самы высокі паказнік стратаў людзей за два дні з чэрвеня 2015 года.

Гэта відавочнае парушэнне Расіяй абавязанняў у рамках мінскіх пагадненняў, заявіў прадстаўнік Дзярждэпартаменту ЗША і чарговым разам заклікаў Маскву выкарыстоўваць свой уплыў на сепаратыстаў у Данбасе, каб спыніць гвалт.

У нядзелю ў Данецкай вобласці пад Дэбальцавам адбыўся бой украінскіх вайскоўцаў з сепаратыстамі, у якім загінулі пяцёра вайскоўцаў. У наступныя дні сепаратысты неаднаразова спрабавалі выбіць украінскіх вайскоўцаў з іх пазіцый.

З пачатку года ў Данбасе загінулі больш за 180 украінскіх вайскоўцаў, за гэты перыяд сепаратысты больш за 12 тысяч разоў парушалі рэжым спынення агню.