Юбілейным медалём «25 гадоў незалежнасці Украіны» узнагароджаны пяцёра беларусаў

В Украине

Дзяржаўнай украінскай узнагароды ўдастоеныя старшыня таварыства ўкраінскай літаратуры пры Саюзе беларускіх пісьменнікаў Наталля Бабіна, старшыня Беларускага грамадскага абʼяднання ўкраінцаў «Ватра» Віктар Гутоўскі, старшыня грамадскага абʼяднання «Цэнтар украінскай культуры «Січ» Валянціна Логвін, старшыня ўкраінскага навукова-педагагічнага саюзу «Берагіня» Сяргей Місіюк, а таксама дырэктар Нацыянальнай бібліятэкі Беларусі, старшыня таварыства дружбы «Беларусь — Украіна» Раман Матульскі.

Такім чынам быў адзначаны іх вялікі асабісты ўклад ва ўмацаванне міжнароднага аўтарытэту Украінскай дзяржавы, папулярызацыю яе гістарычнай спадчыны і сучасных дасягненняў, перадае Радыё Свабода.

Дзяржаўныя ўзнагароды атрымалі больш як 80 прадстаўнікоў украінскай дыяспары з ЗША, Канады, Польшчы, Францыі, Нямеччыны і іншых еўрапейскіх дзяржаў, дзейнасць некаторых з іх была адзначаная ордэнамі Свабоды, Яраслава Мудрага, Княгіні Вольгі і Крыжам Івана Мазэпы.