Польшча атрымала згоду НАТО на размяшчэнне кантынгенту побач з Літвой

Рашэнне павінна быць агучана на саміце альянсу ў Варшаве.

На гэтым тыдні ў Польшчы пачаліся маштабныя вучэнні Anakonda-2016, якія, паводле ацэнкі Крамля, не спрыяюць узаемнаму даверу. Паводле дадзеных WSJ, воінскі кантынгент НАТО ў Польшчы плануецца размясціць у горадзе Сувалкі — у Варшаве лічаць, што гэты раён будзе асабліва ўразлівым у выпадку ваеннага канфлікту з Расияй. Меркаваны памер і абсталяванне сіл у гэтым раёне не ўдакладняюцца.

Выданне прыводзіць словы намесніка міністра абароны Польшчы Томаша Шаткоўскага, які заявіў журналістам, што яго краіна зрабіла прапанову, і хаўруснікі (па ваенна-палітычным блоку) далі папярэднюю згоду на размяшчэньне войскаў НАТО на ратацыйнай аснове паблізу горада Сувалкі (што недалёка ад мяжы з Літвой і з Беларуссю).

Кантынгент, як мяркуецца, будзе разгорнуты ў пачатку наступнага года. Шаткоўскі, як канстатуе газета, разлічвае, што пасля саміту НАТО зменіць «метады абароны ўсходняга флангу». Разам з тым, намеснік міністра абароны прызнаў, што і прапанаваныя польскім бокам захады не будуць азначаць «стварэння бетоннай сцяны» для абароны ад Расиі.

Напярэдадні саміту НАТО ў Варшаве (які запланаваны на 8-9 ліпеня) у Бруселі пройдзе нарада міністраў абароны краінаў альянсу. Раней паступалі паведамленні аб тым, што на гэтай нарадзе будзе абмяркоўвацца разгортванне на ратацыйнай аснове чатырох шматнацыянальных батальёнаў НАТО ва Усходняй Еўропе. Раней генеральны сакратар альянсу Енс Столтэнбэрг тлумачыў, што ваенная прысутнасць НАТО будзе ўзмоцненая ў Польшчы для таго, каб сигналізаваць, што напад на краіну будзе расцэнены як напад на ўвесь альянс. У Маскве катэгарычна аспрэчваюць развіццё сітуацыі, на якое намякаюць у НАТО. Сталы прадстаўнік РФ пры альянсе Аляксандар Грушко назваў абсурднымі заявы аб планах РФ напасці на Польшчу.