Даклад Freedom House "Свабода ў свеце-2013"

Аналитика и исследования

Рэйтынг складаўся па 7-бальнай шкале на аснове апытанкі, якая складалася з 25 пытанняў  (10 - па палітычных правах і 15 - па грамадзянскіх свабодах). На кожнае пытанне выстаўляўся бал ад 0 (няма свабоды) да 4 (максімальная свабода). Кожная краіна магла набраць максімум 100 балаў. Па колькасці набраных балаў выстаўлялася адзнака ад 1 да 7. Краіны з адзнакай 1-2,5 лічацца свабоднымі; з адзнакай 3-5 лічацца часткова свабоднымі; з адзнакай 5,5-7 лічацца несвабоднымі.

Беларусь атрымала ацэнку 7 (найгоршая з магчымых) па палітычных правах і 6 - па грамадзянскіх свабодах.

Самымі насвабоднымі ў дакладзе названыя Саудаўская Аравія, Паўночная Карэя, Сірыя, Самалі, Судан, Экватарыяльная Гвінея, Эрытрэя, Туркменістан і Узбекістан.

На адзін радок вышэй апынуліся Беларусь, Кітай, Куба, Лаос, Чад і Паўднёвая Асеція.

Сярод пытанняў, якія тычыліся грамадзянскіх свабод, былі наступныя:

• ці ёсць свабодныя і незалежныя СМІ і іншыя формы культурнага выражэння;
• ці ёсць адкрытая і свабодная прыватная дыскусія;
• ці ёсць свабода сходаў, дэманстрацый, адкрытай грамадскай дыскусіі;
• ці ёсць свабода недзяржаўных арганізацый (уключаючы грамадскія арганізацыі, групы па інтарэсах, фонды і гд);
• ці ёсць свабодныя прафсаюзы і да т.п.;
• ці ёсць свабода перамяшчэння, выбару месца жыхарства, месца працы ці навучальных установаў.

Спампаваць тэкст даклада (англ.)

Паводле БАЖ