ЕС чакае ад Украіны "рашучых дзеянняў"

Аналитика и исследования

Міністры пакінулі адкрытыя варыянты правядзення двухбаковай сустрэчы на вышэйшым узроўні і падпісання Пагаднення аб асацыяцыі ў 2013 годзе - пры ўмове, што яны ўбачаць ад краіны "рашучыя дзеянні" ў шэрагу сфер, у тым ліку, "прагрэс у вырашэнні праблемы выбарчага правасуддзя".

Міністры ЕС заявілі, што будучыня адносін паміж Украінай і ЕС будзе залежаць ад прагрэсу ў трох асноўных галінах: 1) адпаведнасць міжнародным стандартам парламенцкіх выбараў 2012 года і дзеянням, наступным пасля іх; 2) прагрэс Украіны ў вырашэнні праблемы з "выбарчым правасуддзем" і прадухіленне яго паўтарэння; 3) ажыццяўленне рэформ, вызначаных у сумесна ўзгодненым парадку дня працэсу асацыяцыі Украіны з ЕС.

Што тычыцца парламенцкіх выбараў, якія адбыліся 28 кастрычніка, міністры адзначылі сваю "заклапочанасць" тым фактам, што вынікі маніторынгу выбараў прадставілі змешаную карціну з шэрагам недахопаў. Гэта азначае пагаршэнне сітуацыі ў некалькіх абласцях, у параўнанні з раней дасягнутымі стандартамі.

Такое бачанне выбараў відавочна кантрастуе з прачытаннем сітуацыі ўкраінскімі ўладамі. Канстанцін Елісееў, украінскі амбасадар у Бруселі, у мінулым месяцы заявіў, што яго краіна "прайшла тэст" на парламенцкія выбары ад 28 кастрычніка. Ён прызнаў, што не ўсё было ідэальна, але настойвае, каб выбары разглядаліся Еўрасаюзам як справядлівыя, паколькі вынікі, у асноўным, супадаюць з апытаннямі грамадскай думкі, і што доказам свабоднага выбару людзей з’яўляецца тое, што ў парламент трапілі дзве новыя палітычныя сілы.

Тым не менш, ЕС пакуль не дае канчатковай ацэнкі выбараў. Міністры падкрэслілі, што яны чакаюць канчатковую справаздачу ад АБСЕ і будуць назіраць за праходжаннем Кіевам усіх цяжкасцей па пераадоленні гэтых недахопаў.

"Выбарчае правасуддзе"

Што тычыцца пытання з "выбарчым правасуддзем” (дыпламатычны тэрмін, які датычыць лёсаў былых прэм'ер-міністра Юліі Цімашэнкі і міністра ўнутраных спраў Юрыя Луцэнкі, якія зараз адбываюць турэмныя тэрміны), міністры заявілі, што яны чакаюць "неадкладнага" вырашэння ўкраінскімі ўладамі выпадкаў палітычна матываваных прысудаў і прыняцця "далейшых мераў па рэфармаванні судовай сістэмы, з мэтай прадухілення паўторэння падобных выпадкаў".

Адносна рэформ у рамках сумесна ўзгодненага парадку дня працэсу асацыяцыі Украіны з ЕС міністры падкрэслілі, што неабходным з’яўляецца не толькі прыняцце рэформ і новых законаў, але і іх эфектыўная рэалізацыя. Міністры ЕС таксама выказалі шкадаванне наконт "пагаршэння бізнес-клімату" ва Украіне, адзначыўшы важнасць "інклюзіўных рэформ праз канструктыўнае ўзаемадзеяння паміж урадам, парламенцкай апазіцыяй і грамадзянскай супольнасцю".

На аснове "адчувальнага прагрэсу" ў трох згаданых галінах міністры пацвердзілі сваю прыхільнасць да падпісання 906-старонкавага Пагаднення аб асацыяцыі (тэкст якога нядаўна пратачыўся ў СМІ), у тым ліку, Пагаднення аб паглыбленай і ўсёабдымнай зоне свабоднага гандлю (DCFTA).

Міністры таксама паказалі, што адкрыты ўсе магчымасці для правядзення Саміта Украіна-ЕС яшчэ да Віленскага саміта Усходняга партнёрства, які мае адбыцца ў лістападзе 2013 года падчас старшынства Літвы ў ЕС. Апошні саміт Украіна-ЕС прайшоў у снежні 2011 года, а ўжо ў 2012 годзе мерапрыемства не адбылося, чым было адзнача рэзкае пагаршэнне адносін паміж партнёрамі.

Міністры заклікалі Украіну ўстрымацца ад увядзення мераў, якія супярэчаць DCFTA - такіх, як пратэкцыянісцкія пошліны на ўтылізацыю аўтамабіляў, што патэнцыйна супярэчаць абавязкам краіны перад Сусветнай гандлёвай аргвнізацыяй.

Міністры таксама пацвердзілі сваю прыхільнасць да "агульных мэтаў" бязвізавага рэжыму, рэалізаваных належным чынам, "пры ўмове, што будуць выкананы ўмовы для добра кіраванай і бяспечнай мабільнасці, выкладзеныя ў Плане дзеянняў па лібералізацыі візавага рэжыму".

EurActiv.com