У Мінску ўручылі „Залаты апостраф”

Прэмію штогод прысуджае часопіс “Дзеяслоў”, нагадвае «Радыё Рацыя». Гаворыць галоўны рэдактар “Дзеяслова” Барыс Пятровіч:

– Мы ў чатырнаццаты раз уручылі прэміі часопіса “Дзеяслоў”. Мы звычайна рабілі асобна вечарыну, на якую збіраліся часам поўныя залы Домы літаратара. У гэтым годзе ўпершыню вырашылі правесці фестываль імя Міхася Стральцова. Былі цікавыя ў нас публікацыі летась, вельмі цяжкі выбар. У намінацыі “Лепшая проза” перамог Валерый Гапееў. У намінацыі лепшая паэзія лаўрэатам стаў Міхасць Скобла. За лепшы дэбют прэмію атрымала Крысціна Бандурына.

Прысуджэнне прэміі “Залаты апостраф” – заўсёды нечаканасць для ўзнагароджаных. Некаторыя з іх прыехалі ў менскую галерэю “TUT.BY”, каб паўдзельнічаць у паэтычным фэсце імя Міхася Стральцова, і проста ў зале даведаліся, што атрымаюць прэстыжныя літаратурныя ўзнагароды. і называецца “Залаты апостраф”.