Віктару Шандаровічу дазволілі выступіць у Мінску ўпершыню за 20 гадоў

Як паведаміў Віктар Шандаровіч у сваім «Фэйсбуку», яго пускаюць у Мінск з канцэртам упершыню амаль за 20 гадоў. Паводле пісьменніка, пасведчанне № 250 ад 1 лютага на права падрыхтоўкі і правядзення мерапрыемства выдадзена антрэпрэнёру Галоўным упраўленнем ідэалогіі, культуры і спраў моладзі Мінгарвыканкаму. Канцэрт павінен адбыцца 25 траўня, паведамляе Радыё Свабода.

«Адліга ў іх. Яшчэ летась не ўзгаднілі мяне, а сёлета ўзгаднілі, на злосць Пуціну. Здаецца, я пайшоў на рэшту з цаны на газ, але гэта не мая справа. 25 траўня, значыцца. Калі яны за гэты час ізноў не палюбяць адзін аднаго», — напісаў Шандаровіч у Facebook.

Віктар Шандаровіч вядомы жорсткай крытыкай палітыкі Уладзіміра Пуціна, у тым ліку дзеянняў Расіі ва Украіне. У жніўні 2014 года Шандаровіч асабіста выходзіў на пікет у цэнтры Масквы з плакатам «Вайна з Украінай — ганьба і злачынства».