Грамада сабрала грошы, каб вярнуць Дашкевічу канфіскаванае аўто

"Невядомы чалавек пакінуў на ўправе Партыі БНФ дзьве тысячы долараў і пайшоў сабе па справах. Я думаў, што ў Беларусі даўно ўжо няма такіх бізнэсменаў, якія гатовы такія грошы ахвяраваць змагарам, але вось вам, калі ласка…

Пры тым, што я ні да кога не зьвяртаўся і не прасіў дапамогі, дзясяткі людзей за гэтыя пару дзён напісалі з прапановаю дапамагчы! Некалькі чалавек прапанавалі браць іхнія машыны і катацца, колькі спатрэбіцца", - напісаў Зміцер Дашкевіч на сваёй старонцы ў Фэйсбуку.

Аўтамабіль у лідара "Маладога фронту" на днях забралі судовыя выканаўцы за нясплочаныя пасля пратэстных акцый штрафы.