ЕС дасць Беларусі грошы на будаўніцтва цэнтраў размяшчэння мігрантаў

Кожны цэнтар разлічаны на 30-50 чалавек. На гэтыя мэты Еўракамісія выдаткоўвае афіцыйнаму Мінску 7 мільёнаў еўра, паведамляе нямецкая газета Tageszeitung. У беларускім МЗС "Еўрарадыё" гэтую інфармацыю пацвярджаюць.

“Размова ідзе аб сумесным праекце беларускага боку з Прадстаўніцтвам міжнароднай арганізацыі па міграцыі ў Рэспубліцы Беларусь, які рэалізуецца ў межах праекту “Партнёрства дзеля мабільнасці”, ― адзначыў кіраўнік прэс-службы Міністэрства замежных спраў Беларусі Дзмітрый Мірончык.

Па яго словах, праца па будаўніцтве цэнтраў размяшчэння мігрантаў вядзецца ў межах падрыхтоўкі да падпісання нашай краінах Пагаднення аб рэадмісіі з Еўрасаюзам.

У МЗС таксама адзначаюць, што цэнтры размяшчэння мігрантаў нельга называць лагерамі.