Беларускаму Радыё Рацыя скарочана фінансаванне

З прыведзеных лічбаў вынікае, што Беларускае Радыё Рацыя атрымае 120 000 злотых. Гэта ўдвая менш, чым 3 гады таму – у 2016 радыё атрымала 200 000 злотых.

Сродкі Міністэрства ўнутраных спраў Польшчы, сярод іншага, прызначаліся на перадачы „Падляшскі канцэрт пажаданняў”, „З падляшша родам” ды „Крыначка”.

Кажа праграмны дырэктар радыё Юры Ляшчынскі:

– На працягу чатырох гадоў на 60% зменшылася фінансаванне беларускіх перадач, падляшскіх перадач на Радыё Рацыя, перадач для беларускай меншасці. З 2013 перасталі выходзіць чатыры перадачы: “Народная аптэка”, “Беларуская маладзёвая”, “Культурнае бязмежжа”. Што будзе ў 2017 годзе цяжка сказаць, але гэтых сродкаў нашмат менш.  

Радыё Рацыя падала ў Міністэрства ўнутраных спраў праекты на 2017 год на фінансаванне ўжо існуючых перадач, а таксама 4 праекты на новыя перадачы.