Маладафронтаўцы вывесілі ў Мінску 25 нацыянальных сцягоў з нагоды гадавіны распаду СССР

25 гадоў таму, 8 снежня 1991 г., у Белавежскай пушчы было прынята рашэнне пра роспуск СССР і стварэнне СНД.

З гэтай нагоды сёння а дзявятай раніцы група актывістаў на чале са Змітром Дашкевічам прайшла па праспекце Незалежнасці ад Галоўпаштампта ў бок Кастрычніцкай, вывешваючы на слупах бел-чырвона-белыя сцягі, перадае "Наша Ніва".

На ўчастку ад Паштамта да вуліцы Камсамольскай вывесілі 25 сцягоў.

тым часам супрацоўнікі міліцыі спрабавалі затрымаць журналістаў «НН», бо, маўляў, у іх няма дазволу на здымку гэтых супрацоўнікаў.

На грамадскіх актывістаў склалі пратаколы.

Міліцыя зняла сцягі і пачала настойваць, што здымкі іх журналістамі — умяшанне ў асабістае жыццё. Апроч таго, здымаць будынак КДБ нельга. У выніку журналістаў «НН» . Ірыну Арахоўскую завялі ў будынак КДБ з Камсамольскай. Пазней журналістаў выпусцілі.