Нацболы правялі антыядзерны пікет ля амбасады Украіны ў Мінску

Як перадае Еўрарадыё са спасылкай на БелаПАН, яны пратэставалі супраць будаўніцтва магільнікаў ядзерных адкідаў каля беларускай мяжы — такія планы маюць украінскія ўлады.

У акцыі, якая праходзіла у скверы імя Тараса Шаўчэнкі, удзельнічалі пяць чалавек. Яны трымалі транспаранты з лозунгамі “Хавайце свае адкіды на Майдане!”, “Украіна, не трэба гадзіць нам пад плот!”, а таксама з перакрэсленым знакам радыяцыйнай бяспекі на фоне ўкраінскага сцяга.

Акцыя была санкцыянаваная гарадскімі ўладамі. За прысутнымі назіралі некалькі супрацоўнікаў міліцыі, але яны не ўмешваліся.