На польскай мяжы зноў чэргі легкавікоў, а на літоўскай — больш за 400 фур

Па стане на 10 раніцы ў Брузгах на выездзе з Беларусі чакалі 163 легкавых аўто, у Бераставіцы — 52, у Брэсце — 20. Таксама ў Брузгах з’явілася невялікая чарга з грузавых фур — 21 машына. Памежны пераход Пясчатка цалкам вольны, піша "Еўрарадыё".

На мяжы з Літвой па стане на 10.00 агулам стаіяла болей за 400 фур. У Каменным Логу чакалі пропуску 160 машын, у Катлоўцы — 80, у Беняконях — 96, у Прывалцы — 95. Апроч таго, у Каменным Логу на выездзе з Беларусі стаяла 10 легкавых машын.

Чэргі грузавікоў ёсць і на латвійскай мяжы — 70 машын у Грыгароўшчыне і 25 ва Урбанах, паведамляе сайт Дзяржаўнага памежнага камітэта.