Ва Украіне затрымалі двух беларусаў за незаконнае наведванне чарнобыльскай зоны

В Украине

«У дачыненні да затрыманых складзеныя пратаколы паводле часткі 1 артыкулу 46 Кодэксу Украіны пра адміністратыўныя правапарушэнні — парушэнне патрабаванняў рэжыму радыяцыйнай бяспекі ў мясцовасцях з радыеактыўным забруджаннем», — паведамілі Радыё Свабода ў адміністрацыі Дзяржаўнай памежнай службы Украіны.

Разам з тым, памежнікі ўдакладнілі, што затрыманыя грамадзяне Беларусі не парушалі парадку перасячэння беларуска-ўкраінскай мяжы. «Яны прыбылі на тэрыторыю Украіны легальна, ва ўстаноўленым парадку праз адзін з пунктаў пропуску», — адзначылі ў Дзяржаўнай памежнай службе Украіны.

Беларускія грамадзяне былі затрыманыя на кірунку «Дыцяткі — Чэрэвач» у Кіеўскай вобласці. Сяло Дыцяткі да аварыі на Чарнобыльскай АЭС адносілася менавіта да Чарнобыльскага раёну, а сяло Чэрэвач знаходзілася ў 26 кіламетрах ад ЧАЭС і пасля катастрофы было поўнасцю адселенае. Абодва населеныя пункты маюць больш як 200-гадовую гісторыю.