У Швейцарыі правялі беларускую дыктоўку

У першую нядзелю верасня, калі адзначаецца Дзень беларускага пісьменства, швейцарскія беларусы зладзілі дыктоўку.

Дыктавалі і пісалі верш Рыгора Барадуліна «Чалавек не ўзнікае так».

 Як распавяла Радыё Свабода сакратар Асацыяцыі беларусаў Швейцарыі Вольга Крук​, дыктоўка — гэта нагода падтрымаць еднасць беларусаў:

«Для беларусаў у замежжы важна падтрымаць нашу еднасць, адчуць, што мы разам, зрабіць яшчэ адзін крок у захаванні нашай культуры. Дыктоўка — гэта спосаб адчуць і „памацаць“ мову, прапусціць яе праз сябе, быццам бы стварыць тэкст наноў».