У Мінску і Варшаве пройдзе фестываль беларускага кіно Bulbamovie

Bulbamovie праводзіцца з 2011 года. Гэта першы ў свеце фестываль, прысвeчаны толькі беларускаму кіно. Лаурэатамі фестывалю ў свой час былі: Мітры Сямёнаў-Алейнікаў, Дарыя Юркевіч, Віктар Красоўскі, Марыя Матусевіч, АндрусьТакінданг, Арцём Лобач і шмат іншых удзельнікаў, з якіх стваралася асяроддзе маладых незалежных кінатворцаў.

Bulbamovie спрычынілася да папулярызацыі моды на беларускае кіно і было штуршком для арганізатараў «Лістапада», які пару гадоў пазьней увёў нацыянальны конкурс у сваю праграму

 У 2014 годзе Bulbamovie перамясцілася з Варшавы ў Мінск, але паказы адбываюцца таксама і ў польскай сталіцы.

VI фестываль Bulbamovie пройдзе ў Мінску i ў Варшаве 21-23 кастрычніка 2016 года, піша "Новы час".

Да ўдзелу ў кінаконкурсе прымаюцца ігравыя, дакументальныя і анімацыйныя фільмы.