У Віцебску ў другі раз прайшлі "Барадулінкі"

На ўваходзе ў "Арт-Прастору" — так завецца адзін з культурных цэнтраў Віцебска — наведнікаў сустракала аб’ява пра збор сродкаў дзеля ўшанавання памяці паэта-земляка, ураджэнца Віцебшчыны. Грамадзскасць збірае грошы на мемарыяльную шыльду, каб павесіць яе на доме, дзе жыў Рыгор Барадулін.

Імпрэзы, так ці йнакш звязаныя з кнігамі, склалі асноўную частку сёлетніх "Барадулінак". Падчас свята кнігі можна было ці набыць, ці ўзяць проста так з "кніжнага тэлевізара" — такі незвычаны дызайн мела паліца для буккросінгу, абмену літаратурай.

На "Барадулінках" выступілі пісьменнікі Віталь Рыжкоў і Віктар Марціновіч, прайшла прэзентацыя праекта "50 музеяў Віцебска" ад краязнаўцы і гісторыка Міколы Півавара, які падрыхтаваў да друку кнігу пад такой назвай і спадзяецца з часам сабраць сродкі на яе выданне, паведамляе "Радыё Свабода".