У Мінску правялі акцыю салідарнасці з Эдуардам Пальчысам, затрыманы «БЧБмабіль»

Эдуард Пальчыс – рэдактар сайту 1863x.com, якога вінавацяць у распальванні нацыянальнай варожасці.

Падчас акцыі міліцыянты спынілі насупраць Паштамту аўтамабіль Яўгена Батуры, упрыгожаны бел-чырвона-белымі сцягамі, і без тлумачэння прычыны затрымання на міліцэйскай машыне і павезлі ў Маскоўскі РАУС.

Пазней стала вядома, што яго адпусцілі, а вось аўта затрымалі. Апісалі і забралі ключы, сказаўшы, што «машына на ўгоне».

Сустаршыня «Маладога фронту» Зміцер Дашкевіч раней прапанаваў 23 чэрвеня з 19:00 да 20:00, без сцягоў ды плакатаў сустрэцца ля Галоўпаштамту, каб падпісаць паштоўкі салідарнасці Эдуарду Пальчысу, паведамляе "Белсат".