Вернікам пагражалі затрыманнем падчас шматтысячнай працэсіі ў Мінску

Вулічная працэсія, якая традыцыйна адбываецца ў апошнія дні мая, была прымеркаваная да шанаванага касцёлам свята Цела i Крывi Хрыста. Паводле традыцыi, якая трывае цягам дваццаці пяці гадоў, вернікі праходзяць цэнтральнымі вуліцамі Мінску з абразамі, харугвамi, малiтвамi i духоўнымi спевамi.

Сёлета працэсія прайшла, як і ў мінулыя гады: людзі ішлі ходнікамі ад касцёла Святога Роха на Залатой горцы да Катэдральнага касцёла на плошчы Свабоды. Падчас працэсii адбылiся таксама прыпынкi на малiтвы пры алтарах, усталяваных на плошчы Перамогi i Кастрычнiцкай плошчы, паведамляе «Радыё Свабода».

Удзел у працэсii прынялi некалькі дзесяткаў святароў, беларускія біскупы, а таксама каля пятнаццаці тысяч вернікаў.

Цягам усёй хады працэсii ўдзельнікаў вулічнай акцыi суправаджалі супрацоўнікі сілавых структур. Яны ня толькі пільнавалі дарожны рух, але таксама фiльмавалi ўдзельнікаў шэсця. Вернiкам, якiя абуралiся такiм дзеяннямі, пагражалi затрыманнем.