У супрацоўніка «Радыё Рацыя» канфіскавалі на мяжы кнігі

Інцыдэнт адбыўся ў ноч з пятніцы на суботу, хлопец вяртаўся ў Беларусь цягніком «Малкін-Гродна». Мытнікам не спадабалася кніжка Анджэя Пачобута «System Białoruś» з фота Аляксандра Лукашэнкі на вокладцы, а пасля да яе далучылі «Агляд-хроніку парушэнняў правоў чалавека ў Беларусі за 2010 год» выдання праваабарончага цэнтра «Вясна».

Гістарычныя кнігі, якія таксама знайшліся ў заплечніку журналіста, мытнікаў не зацікавілі, паведамляе «Радыё Рацыя».

«Агляд-хроніка» і кніга Пачобута засталіся ў мытнікаў – іх канфіскавалі паводле адмысловага акту. Далейшы лёс выданняў будуць вызначаць дзяржаўныя эксперты.